Popular Bible Verses from Kutangisa 27

Deildu

Ndzimu ngaukupe khawa ye kudzimu ne fumwa ye shango bawatshe zwidzwalo zwizo ne nkumbi uwo. Bathu ngabakushingile ne zwitjaba ngazwikuthigamile. Ube she we bana ba tate babo ne bakololo ba mmeyabo bakuthigamile. Banokuyemulila bhiso, bhiso ngaliwile ibo, banokukombolela ngabakombolegwe.”

Esau kabe eti, “Zina linoyi Jakubo lonfanila. Wanditjebela mu thambo idzedzi mbili dzose. Wakanditolela fanilo dze kuzwagwa kwangu ndili mbano, ngwenu wanditolela kukombolegwa kwangu. Akuna kukombolegwa kwa mandisiyila kene?”

Ipapo tate babe Isaki bakan'dabila beti, “Magalo awo anowobe kule ne fumwa ye shango, Anobe kule ne khawa ye kudzimu. Iwe unowotjila nge thumo. Unoshingila nnung'una uwo. Koga tjibaka tjaunowopanduka, Unowosununguka mu kulaula kukwe.”

Esau kati kuna tate babe, “Mungabe muna tjing'ompela koga tjamungandikombolela nditjo kene tate? Mundikombolelebo tate bangu!” Ngono Esau kalila kwazo.