Popular Bible Verses from Ad’u Tinda 39

Deildu

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Kayam ndata, Potifar mi ar ahle mama pet abo Josef; vama ar rei nga d’i, ni te ma mam tuma hol. Wani Josef nazong ma djif heîna.

Ma ngol máma, mi hum suma dangeina abom pet; sun nda lat kur gong nga dangeinid’a pet, mam lat ni mamu.

Mi ve Josef, mi gum klavi ata yima amulâ tchuk sum mama dangeina kuana; Josef nga kaka kur dangeina. Wani Ma didina mi nga ki Josef, mi tagam djivi mamba, mi mbud’um djivid’a ir ma ngol ma ngom dangeina.

Bugol ahle ndazina, atchad’a hi salamid’a golomu, ti dum ala: Ang mbeï bur ki sed’enu. Josef mi hulong dat ala: An min ndi. Salana mi han ahle mama pet abonu, vama ar rei hawa hur aziyam ma bei mi handji abona nga d’i. Sama ding ma kad’enga yam azì ma wana kalana nga d’i, vama mam d’elen kam tu pî nga d’i; ni ndak hol, kayam nda’î amamba. Mina ni nana ba, an dok ni le sun nda tcho d’a ngola avok Alona na ge?

Wani bur tu Josef mi kal avo á le sun mamba; sama ding nga avo d’i. Atchad’a hi Potifar-ra ti vum baru mamba ndinding, ti dum ala: Ang mbeï bur ki sed’enu. Wani mi fogot baru mamba abod’u, mi ring ngei abua.