Vinsæl biblíuvers úr MAEKOS 5

Deildu

Junak intok ju'u Jesus inen au jiiak: ―In jamut yoemia ―tiia―, em a' suale' betchi'bo, emo ine'etela'e. Kaachin eaka weene. Intok inia em ko'okoata betana emo ine'etelatakai ―ti au jiiak.

Junama'a intok, senu jamut, woj mamni ama wooi wasuktiapo, ojbota jiba wo'otan. Intok juebena yee jijittome a' jittolatukan. Intok si'imeta a' jipue'uta amet wiutak. Intok kia junuentaka juni'i, yu'in eewamta kaita jajamek. Che'a juni'i, ka tu'i simen.

Junak intok junama'a lautipo, ju'u ojbo sep cha'atuk. Intok junae ko'okoata betana au a' inne'eteka'po aman, a' takaawata tu'isi maisi a' inne'an.

Junaka'a usi jamutta intok, mampo bwiseka: ―Taliita kuumi ―ti au te'eka. Ini'i noki intok, kuaktituk, inen jiubae: “Usi jamut, eu ne junen jiia, enchi ne yejtesae”, ti jiubae ini'i nooki.

Ket junuen a' nokaosu, ju'u yo'o ya'arime, Jairo' teamta jo'aa betana, waate ama au yajak, inien jiakai: ―Em mara muukuk ―tim au jiian―. Kat intok inika'a yee majtamta suate bicha ―tiian. Taa ju'u Jesus inien jiuwamta jikkajaka, yo'o ya'aritau Jairo' teamtau, inen jiiak: ―Kate'e jachin emo eetua'e ―ti au jiiak―. Net yoem'ea'e ―ti au jiiak.

Bwe'ituk ju'u Jesus, inen jaibu au jiulatukan: ―Empo, bebeje'eri ka tu'i jiapsi, inie yoemta jiapsipo wajiwa betana yeu weye'e ―ti au jiulatukan. Jesus intok, junau, ka tu'i jiapsitau: ―Jaisa empo teak ―ti a' temaek. Juna'a intok, inen a' yoopnak: ―Bu'uuraapo te ta'eewa, bwe'ituk tu'isi juebenate ―ti a' yoopnak. Bem nokpo intok, Lejionpo ta'eewan.