Vinsæl biblíuvers úr MATEEO 27

Deildu

Intok jumak ket jiba junama'a bajim jiao, Jesus kusisi: ―Eli Eli, lama sabaktani ―ti chaaek. Ini'i: Achai Lios, achai Lios, jaisaaka empo nee inim inepolaik koptala, ti jiubae.

Junama lautipo, Liojta te'opopo jume' bwe'uu tajo'orim cha'akame, nanana'aku nasuk, jikat naateka ko'om tajti siutek. Ju'u bwia intok au yoyoak, jume' bwere tetam intok na'ikim jamtek. Jume' intok kokkoarim ama ma'atuka'um, emo etapok. Juebenak intok waate jume' Liojta sualeka kokkokame, bem takaam juchi jiapsak.

Ju'u Jesus juchi wee'po kusisi chachaek. Intok junak muukuk.

Junako ju'u sontao ya'ut intok jume' aamak juka' Jesujta suuame, juka' bwiata au yoakamta intok juka' watek yeu sikamta bichaka, inime'e tua majaek, intok: ―Lutu'uriapo, ini'i yoeme, Liojta betana yoemiaritukan ―ti jiiak.

Junak, junama'a si'imekut ka machisi taawak, luula katek naateka, kupteo, bajim jia'u tajtia.

Ju'u Pilaato intok: ―Juka' Jesujta su, juka' Krijto' teamta, jaisa nee a' ya'ane ―ti ameu nattemaek. Si'ime juname'e: ―Kuuset a' popon tebone ―ti jiaka a' yoopnak. Junak intok ju'u Pilaato: ―Jitasa ka tu'ik ini'i ya'arikai ―ti ameu jiiak. Taa bempo: ―Kuuset a' popon tebone ―ti juchi chaaen.