Vinsæl biblíuvers úr Hechos 16

Ya chiꞌchi rahbi raꞌ ba: ―Bwiꞌhnn pur chechii stoꞌ luꞌh xchiꞌdxyi Jesucristu tin taꞌh luꞌh loh duhlda, cun neezaa garaa xfamihyi luꞌh.

Per chin guhca garoolda gueꞌla cabwihdxyi-canaaba raꞌ Pahblu cun Silas Dxiohs, nee cun neezaa cayuꞌlda raꞌ ba cantu xteenn Dxiohs para laꞌh Ñiꞌh ya snuhn bwiinn nin ñieꞌw raꞌ riigacaꞌdxiahga raꞌ cantu raꞌ nin cayuꞌlda raꞌ ba. Ya hohra chi guhca tuhbi lluh duxa, bañiꞌbin gaduhbitiiꞌ lahtsi dxiꞌba chi, billaala raꞌ garaatiiꞌ rwaaꞌ pweerta raꞌ, cun cadehn raꞌ nin nuuxaꞌta yahga raꞌ nin nuu ñaaꞌ raꞌ bwiinn nin ñieꞌw gubihyi raꞌn.

Tin babweꞌhe ba laꞌh raꞌ Pahblu cun Silas, chiꞌchi rahbi ba loh raꞌ ba: ―Daada raꞌ, ¿xa niꞌca nahpaa guꞌnnahn tin gutaꞌh Dxiohs naꞌh loh duhlda?

Ya chin babahn madxiohra chi, bwaꞌha ba zohballaala rwaaꞌ lahtsi dxiꞌba, lwehgu guleꞌhe ba spahda ba tin ñidxiinn ba laꞌh gahca ba laasii nastoꞌ ba balluꞌn raꞌ nin ñeꞌw raꞌ laꞌn lahtsi dxiꞌba. Chiꞌchi guñiꞌ Pahblu jweersi roo, rahbi ba loh madxiohra chi: ―¡Ayi guunn luꞌh ziꞌca, garaa gahca nu laꞌhnu dxuu riiꞌ!