Vinsæl biblíuvers úr ROMANOS 2

Deildu

¿Ni chaꞌ nxkeꞌ tiꞌ wan chaꞌ ja suꞌwa ka nu tiꞌí ꞌwan loꞌo nu ka ꞌin neꞌ xaꞌan kanꞌ? Kwiñi ꞌa wan, ja ka ꞌa xnan wan ꞌin Ndiose bra nu kuꞌni biyaꞌ Ni ꞌin nchga nten; nan nxtya wan kiꞌya ꞌin nten, ni siya ngiꞌni wan ti kwiꞌ ti chaꞌ kuxi nu ngiꞌni neꞌ kanꞌ. ¿Ni chaꞌ ja nduwe ꞌa tiꞌ wan chaꞌ nchka tꞌnan ꞌa tiꞌ Ndiose ꞌñaan? Ndukwa Ni nchga chaꞌ nu njñaan ꞌin Ni, ndalo ꞌa Ni ꞌñaan, suꞌwe ꞌa nka tiye Ni loꞌoan; xkwiꞌ ngwañaꞌan ngiꞌni Ni chaꞌ kaja ñaꞌan kulaa yaanꞌ chaꞌ kuxi nu ndiya ꞌa tianꞌ.

Loꞌo ꞌwan ni, ja kaja ꞌa ñaꞌan nu kuꞌni Ndiose chaꞌ tlyu tiꞌ ꞌwan, bra nu nchkwiꞌ ꞌa wan chaꞌ ꞌin ska chaꞌ kuxi nu ngiꞌni nten; bra nu ndlo tuun wan kiꞌya nu ndukwi xka nten, kwiꞌ ngwañaꞌan, ti ykwiꞌ ti wan ndukwi wan kiꞌya kanꞌ. Sa ñaꞌan nu ngiꞌni biyaꞌ wse ꞌin nten xaꞌan, kwiꞌ ngwañaꞌan ngiꞌni wan loꞌo taꞌa nten wan, chaꞌ nu ngwañaꞌan nchkwiꞌ wan loꞌo neꞌ, loꞌo suꞌwa ndukwi wan kiꞌya loꞌo neꞌ xaꞌan kanꞌ.

Siꞌi wa lka ti nten nu nchka tꞌnan tiꞌ Ndiose ꞌin, ska ti biyaꞌ nchka tꞌnan tiꞌ Ni ꞌin nchga nten chalyuu.

Ja ka suꞌwe kasiya ꞌñaan loꞌo Ndiose chaꞌ nu nnaan tian chaꞌ nu ñi nu nchkwiꞌ Ni loꞌoan taꞌaan; ska ti si tyukwi ti tiyean tukwaan chaꞌ kanꞌ, si kuꞌnian nchga tñan nu ndlo Ni ꞌñaan, bra kanꞌ ka suꞌwe kasiya ꞌñaan loꞌo Ni.

Tsan kanꞌ ta Ni nu tiꞌí ꞌñaan sa ñaꞌan nu ngiꞌnian xa nu ndiꞌian lo chalyuu

Nten xaꞌan ni, nu xkwiꞌ chaꞌ ꞌin ti ykwiꞌ ti neꞌ ndaꞌan chaꞌ tiye neꞌ, tnun ꞌa nu tiꞌí ta Ndiose ꞌin neꞌ kanꞌ; kasinꞌ ꞌa tiꞌ Ndiose ꞌin nchga neꞌ kanꞌ, chaꞌ ja xlyaa neꞌ kunan neꞌ siyaꞌ ti nchga chaꞌ nu ñi nu nduꞌu Ndiose ꞌin neꞌ, chaꞌ nu nxitukwi ꞌa tiꞌ neꞌ ꞌin ya ñaꞌan ti chaꞌ xaꞌan nu ñaꞌan neꞌ.

Ja xlyaa wan kunan wan chaꞌ nu nchkwiꞌ Ndiose loꞌo wan, ja jyuꞌu tiꞌ wan siyaꞌ ti; kanꞌ chaꞌ ndiꞌin chaꞌ ta Ndiose nu tiꞌí ꞌwan bra nu tiya tsan nu ñaꞌan nchga nten chalyuu chaꞌ ñi ꞌa kuꞌni biyaꞌ Ni ꞌin nten.