Vinsæl biblíuvers úr FILIPENSES 4

Deildu

Ja ska chaꞌ kuwe tiꞌ wan seꞌen, jñan wan chaꞌ ꞌin Ndiose chaꞌ ꞌin ya ñaꞌan ti chaꞌ nu ka ꞌwan. Loꞌo ngwañaꞌan, tya wan xuꞌwe ꞌin Ndiose chaꞌ ꞌin nchga chaꞌ nu nchka ꞌwan, bra nu chkwiꞌ wan loꞌo Ni.

Loꞌo kanꞌ tiin ti tyiꞌin wan, ni siya ja ka biyaꞌ tiꞌ nten chalyuu ni chaꞌ lka ꞌwan ngwañaꞌan. Ja kiꞌya chaꞌ kuxi ke wan bra kanꞌ, ja ka kuxi kasiya ꞌwan bra kanꞌ, chunꞌ nu wa ngwa suꞌwa chaꞌ ꞌwan loꞌo Jesucristo.

ꞌWan taꞌa msñian chaꞌ ꞌin Krixtu, nde ñaꞌan tyaꞌan chaꞌ tiye wan tyukwi tyempu nu ndiꞌin wan lo chalyuu: Tyaꞌan chaꞌ tiye wan ꞌin nchga chaꞌ nu ñi; loꞌo nchga chaꞌ nu ngiꞌni tlyu nten ꞌin, nchga ñaꞌan nu ñi la kuꞌnian loꞌo nten, nchga chaꞌ nu luwi la xuꞌwi tiyean, nchga chaꞌ nu suꞌwe ꞌa ñaꞌan, nchga chaꞌ nu suꞌwe ꞌa ndiya tiꞌ neꞌ ñaꞌan neꞌ, ni siya nchga chaꞌ suꞌwe kanꞌ, nu ngwañaꞌan suꞌwe ꞌa nchkwiꞌ nten ꞌin, kanꞌ lka chaꞌ nu ndiꞌin chaꞌ xuꞌwi tiye wan.

Kwiꞌ Krixtu nda jwersa ꞌñaǎn chaꞌ taloǔn ꞌin nchga chaꞌ, nan lka nu kaja ꞌñaǎn.

Nchka tiǎnꞌ chaꞌ nchga tsan ka suꞌwe ka tiye wan chabiyaꞌ ꞌin nu nka Xꞌnaan. Ni siya tukwa yaꞌ chkwiǐnꞌ chaꞌ kanꞌ loꞌo wan: ¡Nchka tiǎnꞌ chaꞌ ka suꞌwe ka tiye wan!

Tnun ꞌa chaꞌ suꞌwe ndiꞌin ꞌin Ndiose, kanꞌ chaꞌ ta Ni nchga nan nu lyiji chaꞌ tyijin yuꞌwi ꞌwan lo chalyuu; jlyo tiǎnꞌ chaꞌ ngwañaꞌan ngiꞌni Xꞌnaan loꞌo nten chabiyaꞌ ꞌin Jesucristo.

Tyuꞌwi tiꞌ wan nchga chaꞌ nu wa yꞌni xaꞌan wan ꞌñaǎn, ni siya ska chaꞌ nu wa ynan wan ti bra nu wa ykwiǐnꞌ chaꞌ kanꞌ loꞌo wan, ni siya ska chaꞌ nu wa naꞌan wan ngiꞌniǐn; kanꞌ lka chaꞌ nu ndiꞌin chaꞌ kuꞌni wan, loꞌo kuꞌni Ndiose chaꞌ tiin ti tyiꞌin niꞌ kasiya ꞌwan bra kanꞌ.

Xkwiꞌ chka tꞌnan ꞌa tiꞌ wan ꞌin nchga nten, chaꞌ ka biyaꞌ tiꞌ neꞌ chaꞌ ngwañaꞌan ngiꞌni wan. Wa ndla ti kan ykwiꞌ Xꞌnaan xiyaꞌ.

Ndiya yaꞌ nu lyiji ꞌa nan ꞌñaǎn, loꞌo ndiya yaꞌ nu kaꞌan ꞌa nan mjwi ꞌñaǎn; ngwañaꞌan ngalaꞌ tiǎnꞌ loꞌo ya ñaꞌan ti nan nu kaja ꞌñaǎn nchga seꞌen ndaꞌaǎn lo tñan re. Ja nꞌni chaꞌ ꞌñaǎn ni siya suꞌwe ꞌa ndyiji nan kuǔn, ni siya ngiteꞌ tiǎnꞌ; ni siya kaꞌan ꞌa nan nsuꞌwi ꞌñaǎn, ni siya chinꞌ ꞌa, ja ndlo ꞌa chaꞌ kanꞌ ꞌñaǎn.

Ja chkwiǐnꞌ chaꞌ lyiji ꞌa chaꞌ suꞌwe ꞌñaǎn; suꞌwe ꞌa ngalaꞌ tiǎnꞌ loꞌo ya ñaꞌan ti nan nu ndyiji ꞌñaǎn.