Vinsæl biblíuvers úr SAN JUAN 8

Deildu

Xiyaꞌ ykwiꞌ Jesús loꞌo nten niꞌ lyaa kanꞌ: ―Naꞌ lkaǎn nu taǎn xaa nu xuꞌwi niꞌ kasiya ꞌin nten chalyuu ―ndukwin yu―. Kanun xaa luwi ꞌñaǎn niꞌ kasiya ꞌin nten nu tsaa ñaꞌan tiꞌ ꞌñaǎn, kwiꞌ ja tsaa tii ꞌa chalyuu ꞌin neꞌ kanꞌ bra kanꞌ. Ja sten yuꞌwi neꞌ kanꞌ loꞌo kuneꞌ xaꞌan nu ja nchka tiꞌ chaꞌ xuꞌwi xaa ꞌñaǎn niꞌ kasiya ꞌin nten.

Kwiꞌ ka biyaꞌ tiꞌ wan nchga chaꞌ nu ñi; loꞌo ja tukwin ka tatsaa ꞌwan chaꞌ kuꞌni wan chaꞌ xaꞌan bra kanꞌ, chunꞌ jlyo tiꞌ wan chaꞌ nu ñi kanꞌ.

Kanꞌ chaꞌ ti ngwaꞌu la Jesús chaꞌ ꞌin neꞌ judío nu msñi ke ti neꞌ chaꞌ nu nchkwiꞌ yu: ―Bra nu kanun chaꞌ nu nduꞌuǔn ꞌwan niꞌ kasiya ꞌwan, ti kwiꞌ chaꞌ ꞌin Ndiose kanꞌ, chañi chaꞌ ka wan nten nu ngiꞌni xaꞌan ꞌñaǎn bra kanꞌ ―ndukwin Jesús ꞌin neꞌ―.

Skaǎn tiǎn nu lkaǎn Sñiꞌ Ndiose, bra nu kulaǎn ꞌwan, chañi chaꞌ ja ka ꞌa tatsaa neꞌ ꞌwan chaꞌ kuꞌni wan chaꞌ xaꞌan xiyaꞌ seꞌen ndiꞌin wan ―ndukwin―.

Ti mnichaꞌ la neꞌ ꞌin Jesús, kanꞌ chaꞌ mdyituun ñi yu, ykwiꞌ yu loꞌo neꞌ nu mdiyan loꞌo ꞌin nu kunaꞌan kanꞌ bra kanꞌ: ―Si ndiya ska wan nu ja ndukwi wan kiꞌya ―ndukwin yu―, kanꞌ ka nu kuun kee ꞌin nu kunaꞌan kwa kulo ndukwa la.

―Chañi ꞌa chaꞌ nu nchkwiǐnꞌ loꞌo wan ni ―ndukwin Jesús bra kanꞌ―. Nchga nten nu ndiꞌin kiꞌya ꞌin, wa lka ndiya xꞌnan neꞌ.

Mdyituun Jesús xiyaꞌ, ykwiꞌ yu loꞌo nu kunaꞌan kanꞌ bra kanꞌ: ―¿La nde yaꞌ ndyaa neꞌ kwa a? ―ndukwin yu―. ¿Ti nduun neꞌ nu mstya kiꞌya ꞌiin a? ―Ja tukwin nduun nu mstya kiꞌya ꞌñaǎn, neꞌ kula ―ndukwin nu kunaꞌan kanꞌ. ―Suꞌwe sikwa ―ndukwin Jesús ꞌin nu kunaꞌan kanꞌ―. Ngwañaꞌan naꞌ, ja ndiꞌin kiꞌya nu xtyaǎn ꞌiin. Tyaa lyaa ni ―ndukwin―, ja kuꞌnii ꞌaa ngwañaꞌan xiyaꞌ.]