Vinsæl biblíuvers úr SANTIAGO 5

Deildu

Kanꞌ chaꞌ sikwa, katsaꞌ wan kiꞌya ꞌwan ꞌin taꞌa wan xa nu ndiꞌin kiꞌya ꞌwan, jñan wan chaꞌ tlyu tiꞌ ꞌin neꞌ taꞌa wan loꞌo Ndiose, chaꞌ ka suꞌwe wan tyukwi ñaꞌaan wan xiyaꞌ. Kaꞌan ꞌa tñan ka ꞌin ska nten nu luwi kasiya ꞌin loꞌo Ndiose, bra nu jñan yu ska xuꞌwe ꞌin Ni.

Bra nu lye ꞌa ndijin ska wan nu tiꞌí, chunꞌ msñi wan chaꞌ ꞌin Jesús, suꞌwe si chkwiꞌ wan loꞌo Ndiose bra kanꞌ. Loꞌo ngwañaꞌan, si ndiya ska wan nu suꞌwe ꞌa nka tiye, suꞌwe ꞌa si kula tuꞌwa wan ska kantu ꞌin Ndiose bra kanꞌ.

Chkaa nu tiꞌí kanꞌ bra kanꞌ, chaꞌ nu ndyaa ñaꞌan tiꞌ wan chaꞌ nu wa ykwiꞌ wan loꞌo Ndiose. Ti ta Ni chalyuu ꞌin nu tiꞌí kanꞌ xiyaꞌ, kwiꞌ ngwañaꞌan kuꞌni Ni chaꞌ tlyu tiꞌ ꞌin yu nchga kiꞌya nu ndukwi yu.

Bra nu nskwa ska taꞌa wan tiꞌí, bra kanꞌ suꞌwe xiꞌya naan wan ꞌin neꞌ kula taꞌa msñi wan chaꞌ ꞌin Ndiose, chaꞌ kan neꞌ kuꞌni neꞌ joꞌó ꞌin nu tiꞌí kanꞌ. Loꞌo kanꞌ jñan neꞌ kanꞌ chaꞌ tlyu tiꞌ ꞌin Ndiose, chaꞌ kuꞌni Ni chaꞌ chkaa nu tiꞌí kanꞌ; loꞌo bra kanꞌ slu neꞌ sete rmiyu chunꞌ yu tiꞌí kanꞌ chabiyaꞌ ꞌin Xꞌnaan.

Si ndiya ska wan nu ka chkwiꞌ loꞌo taꞌa nten yu chaꞌ ja kuꞌni ꞌa neꞌ chaꞌ kuxi, chaꞌ ka kwaꞌu wan chaꞌ ꞌin Ndiose ꞌin neꞌ kanꞌ xiyaꞌ, suꞌwe ꞌa tñan kuꞌni yu bra kanꞌ; ka kulaa yu ꞌin neꞌ kanꞌ bra kanꞌ, chaꞌ ja kanaꞌ kasiya ꞌin neꞌ. Kwiꞌ ngwañaꞌan, kaja ñaꞌan nu kuꞌni Ndiose chaꞌ tlyu tiꞌ ꞌin neꞌ chaꞌ ꞌin nchga kiꞌya nu ndiꞌin ꞌin neꞌ kanꞌ.