Vinsæl biblíuvers úr EFESIOS 5

Deildu

Suꞌwe ꞌa nka tiye Ndiose ñaꞌan Ni ꞌwan, chaꞌ lka wan sñiꞌ Ni; kanꞌ chaꞌ ndiꞌin chaꞌ kuꞌni wan sa ñaꞌan nu ngiꞌni Ndiose. Suꞌwe ti xuꞌwi tiye wan ñaꞌan wan ꞌin taꞌa nten wan, chaꞌ kwiꞌ ngwañaꞌan suꞌwe ꞌa nka tiye Krixtu ñaꞌan ꞌñaan. Bra nu yan Jesús lo chalyuu, mslyaa yu mda yu tyukwi ñaꞌaan yu chaꞌ ngwa yu ska lomstan ꞌin Ndiose chaꞌ ꞌñaan. Suꞌwe ꞌa ngwa tiye Ndiose bra kanꞌ.

Suꞌwe sikwa, kuwe suꞌwe tiꞌ wan sa ñaꞌan nu kuꞌni wan bra nu ndiꞌin wan lo chalyuu; ja kuꞌni wan sa ñaꞌan nu ngiꞌni nten nu ja nnan siyaꞌ ti, kuꞌni wan sa ñaꞌan nu ngiꞌni nten nu suꞌwe ti chaꞌ ndaꞌan tiye. Kunaan wan chaꞌ suꞌwe nu kuꞌni wan xa nu ndiꞌin wan lo chalyuu, chaꞌ ja xuꞌwi chaꞌ ꞌwan loꞌo chaꞌ kuxi nu ngiꞌni xka ta nten chalyuu

Ja ka kuꞌwi wan; ngiꞌni ñuꞌun ꞌa kuneꞌ xaꞌan ꞌin nten chaꞌ kanaꞌ chalyuu ꞌin neꞌ, siꞌya chaꞌ kuꞌwi ꞌin neꞌ. Xka ñaꞌan kuꞌni wan, chaꞌ ka tayaꞌ Tyiꞌi Ndiose ꞌwan loꞌo nchga tñan nu kuꞌni wan lo chalyuu. Kula tuꞌwa wan nchga lo kantu ꞌin Ndiose bra nu tyoꞌ tiꞌin wan loꞌo taꞌa wan chaꞌ kuꞌni tnun wan ꞌin Ni, ni siya salmos nu ndukwa lo kityi ti sꞌni, ni siya ya ñaꞌan ti kantu nu nchkwiꞌ chaꞌ ꞌin Ndiose nu kiꞌya ke wan; tyukwi ti tiye wan kuꞌni tnun wan ꞌin Ndiose loꞌo kantu kanꞌ. Nchga bra suꞌwe chaꞌ tya wan xuꞌwe ꞌin Ndiose Stian chabiyaꞌ ꞌin Xꞌnaan Jesucristo; tya wan xuꞌwe ꞌin Ni chaꞌ ꞌin nchga chaꞌ nu nchka ꞌwan, ni siya chaꞌ suꞌwe, ni siya chaꞌ nu ja suꞌwe.

ja kuꞌni wan chaꞌ tintu sikwa, kuꞌni xaꞌan wan nchga chaꞌ nu nchka tiꞌ ykwiꞌ Xꞌnaan chaꞌ kuꞌni wan lo chalyuu.

ꞌWan yu kiꞌyu ni, suꞌwe xuꞌwi tiye wan ñaꞌan wan ꞌin kwilyoꞌo wan, chaꞌ kwiꞌ ngwañaꞌan suꞌwe ꞌa nka tiye Krixtu ñaꞌan Ni ꞌin nten ꞌin Ni lo chalyuu; kanꞌ chaꞌ mslyaa yu chaꞌ ngujwi yu lo wsi chaꞌ kulaa ꞌin nten nu xñi chaꞌ ꞌin Ni chunꞌ ndiꞌin la.

Nu ngwa sꞌni, siyaꞌ ti tla chalyuu ꞌwan; loꞌo ni, wa ndiya xka chalyuu ꞌwan, ti bra nu msñi wan chaꞌ ꞌin Xꞌnaan Jesús. Sa ñaꞌan ngiꞌni nten nu ndiꞌin lo xaa ꞌin Krixtu, ngwañaꞌan ndiꞌin chaꞌ kuꞌni wan seꞌen ndiꞌin wan lo chalyuu ni.

Tukwa suꞌwe wan chaꞌ nu nchkwiꞌ kwilyoꞌo wan chabiyaꞌ Ndiose.

ꞌWan neꞌ kunaꞌan ni, sa ñaꞌan nu ndukwaan chaꞌ nu nchkwiꞌ Ndiose Xꞌnaan, ngwañaꞌan tukwa wan chaꞌ nu nchkwiꞌ kwilyoꞌo wan loꞌo wan.

Loꞌo ngwañaꞌan, nchkwiꞌ kityi kanꞌ chaꞌ ꞌin nchga wan, chaꞌ ꞌwan yu kiꞌyu, chka tꞌnan tiꞌ wan ꞌin kwilyoꞌo wan sa ñaꞌan nu nchka tꞌnan tiꞌ wan ꞌwan, ti ykwiꞌ ti wan. Loꞌo ꞌwan neꞌ kunaꞌan wan, ndiꞌin chaꞌ kuꞌni tnun wan ꞌin kwilyoꞌo wan.

Nde ndiya ska chaꞌ nu ndukwa lo kityi kula: “Ska nten nu ndyiji kwilyoꞌo ndiꞌin chaꞌ ska ta tyiꞌin yu loꞌo kwilyoꞌo yu; ja ndiꞌin ꞌa chaꞌ tyiꞌin yu loꞌo sti yu loꞌo jyaꞌan yu. Loꞌo kanꞌ, ska ti nten ka taꞌa tyukwaa neꞌ kanꞌ chaꞌ ꞌin Ndiose siyaꞌ ti” ndukwin kityi kanꞌ.

Ja xuꞌwi chaꞌ ꞌwan loꞌo nten nu xkwiꞌ chaꞌ ndiꞌin jya ti, nten nu ngiꞌni xkwiꞌ chaꞌ tintu ti, siꞌya chaꞌ tla ꞌa chalyuu nu ndiꞌin neꞌ; chkwiꞌ wan loꞌo neꞌ kanꞌ, chaꞌ ka biyaꞌ tiꞌ neꞌ chaꞌ kuxi ꞌa ngiꞌni neꞌ.