Vinsæl biblíuvers úr 2 CORINTIOS 4

Deildu

Ja nka tiyean ꞌin ska nan nu suꞌwe ñaꞌan ti, chaꞌ ja talo siyaꞌ ti ya ñaꞌan ti nan nu suꞌwe ñaꞌan kanꞌ; nan ndaꞌan naan ska chaꞌ nu ja chkanꞌ ñaꞌaan bra ni, chunꞌ ndiꞌin la ka chkanꞌ chaꞌ kanꞌ, ñaꞌaan ꞌin ran bra kanꞌ. Kanꞌ lka chaꞌ nu ja tsaa tii ꞌa ꞌñaan siyaꞌ ti.

Kanꞌ chaꞌ ja nchka ndaja tianꞌ ꞌin tñan nu ngiꞌnian chaꞌ ꞌin Ndiose, ni siya wa tsaa tii ti ñaꞌaan kunaanꞌ ngwañaꞌan ti; loꞌo taꞌa ti ngiꞌni Ndiose chaꞌ chka suꞌwe la kasiya ꞌñaan. Ja tlyu lye nu tiꞌí nu ndyukwaan lo chalyuu re ni, loꞌo chinꞌ ti bra talo nu tiꞌí kanꞌ; chunꞌ ndiꞌin la, tnun ꞌa chaꞌ suꞌwe ndiꞌin chaꞌ kaja ꞌñaan nde seꞌen ndiꞌin Ndiose, loꞌo ja tsaa tii ꞌa chaꞌ suꞌwe kanꞌ siyaꞌ ti. Ja suꞌwa nu tiꞌí re loꞌo chaꞌ suꞌwe nu ndiꞌin chaꞌ kaja ꞌñaan nde loo la.

Ti ndyuwa ti seꞌen ndaꞌan ba, tlyu ꞌa tñan ndyukwa ba, loꞌo ja nchka ꞌa ꞌin chaꞌ kuxi tyijin lyo ꞌwa. Nduwe ꞌa tiꞌ ba ndiꞌin ba chunꞌ kaꞌan chaꞌ tukwi nu ndijin ba; ni siya xiꞌin tiꞌ ba, ja nchka ndaja tiꞌ ba. Nsuꞌwi ꞌa nu nxuun loꞌo ꞌwa, ti kwiꞌ ti chaꞌ ja lyiji taꞌa suꞌwe nsuꞌwi ba. Ni siya ndiya nten nu lye ꞌa tiꞌí tiꞌ ꞌwa, ja nchka kuꞌni tyii neꞌ ꞌwa.

Ni siya tnun ꞌa chaꞌ suꞌwe nu nsuꞌwi niꞌ kasiya ꞌñaan ni nu nda Krixtu ꞌñaan, ti lkaan nten chalyuu, siꞌi nan ngula la tiꞌ kasiya ꞌñaan ti ykwiinꞌ tian. Ñaꞌan tiꞌ ska katunꞌ yuu nu xiꞌi ndalo, ngwañaꞌan lkaan. Loꞌo suꞌwe la ngwañaꞌan, chaꞌ bra kanꞌ ka ka biyaꞌ tianꞌ chaꞌ ska ti Ndiose lka nu nchga tñan nchka ꞌin Ni; siꞌi chaꞌ ꞌñaan ti ykwiinꞌ tian nu nchka la ꞌñaan.

Ja xlyaa nten nu kuxi kanꞌ xñi chaꞌ kanꞌ siꞌya kuneꞌ xaꞌan nu nñi lyoꞌo ꞌin nten chalyuu. Ndukunꞌ nu kuxi kanꞌ chaꞌ ꞌin neꞌ chaꞌ ja kunan ꞌa neꞌ chaꞌ suꞌwe nu ꞌin Krixtu, kanꞌ chaꞌ ja nchka kanun xaa luwi ꞌin Krixtu niꞌ kasiya ꞌin neꞌ kanꞌ. Tnun ꞌa chaꞌ lka chaꞌ nu ꞌin Krixtu; nchga chaꞌ nu ndiꞌin ꞌin Ni, suꞌwa ndiꞌin chaꞌ ꞌin Ni loꞌo Ndiose Sti Ni nde seꞌen ndiꞌin Ni.

Ti kwiꞌ Ndiose lka nu msuꞌwa xaa luwi ꞌin Ni nu nganun niꞌ kasiya ꞌñaan; kanꞌ chaꞌ ka biyaꞌ tianꞌ nchga chaꞌ tnun nu suꞌwe ꞌa nu nsuꞌwi seꞌen ndiꞌin Ni, ti kwiꞌ ti chaꞌ ndii tianꞌ chaꞌ ngiꞌni Ni tñan niꞌ kasiya ꞌñaan bra nu stean chaꞌ ꞌin Krixtu. Ti kwiꞌ Ndiose lka nu ngulo tñan chaꞌ xuꞌwi xaa la seꞌen ngwa chalyuu tla nu ngwa ti sꞌni.