Popular Bible Verses from YOHANE 15

Deildu

Hi mina nsinya wa vhinya; n'wina mi marhavi. La tshamaka eka mina, na mina loko ndzi tshama eka yena, u veka ngopfu; hikuva ehandle ka mina a mi swi koti ku tirha nchumu.

Tshamani eka mina, na mina eka n'wina. Kukotisa leswi rhavi ri nga velekiki ri ri roxe loko ri nga namarheli ensinyeni, swi tano na n'wina loko mi nga ndzi namarheli.

Loko mi tshama eka mina, ni marito ya mina loko ma tshama eka n'wina, kombelani hinkwaswo leswi mi swi rhandzaka, mi ta endleriwa swona.

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

A ku na munhu la nga ni rirhandzu leri tlulaka ra loyi a tshikelaka vanakulobye vutomi bya yena.

Rhavi rin'wana ni rin'wana leri nga eka mina, leri nga vekiki, wa ri tsema; kutani rin'wana ni rin'wana leri vekaka, wa ri tsema, leswaku ri engeta ku veka.

“Nawu wa mina hileswaku mi rhandzana kukotisa leswi ndzi mi rhandzeke.

Laha Tatana a dzunisiwaka hakona, hi loko mi veka mihandzu ya ku tala, hilaha mi nga ta va vadyondzisiwa va mina.

“Hi mina nsinya lowunene wa vhinya; murimi i Tatana.

Kungakuloko munhu a nga tshami eka mina, u ta cukumetiwa ehandle kukotisa rhavi; kutani marhavi lama omeke, ma rholeriwa ma cukumetiwa endzilweni, ma tshwa.

Ndzi mi byerile timhaka leti leswaku ku tsaka ka mina ku tshama eka n'wina, ni leswaku ku tsaka ka n'wina ku hetiseka.

Loko mi hlayisa milawu ya mina, mi ta tshama erirhandzwini ra mina, hilaha na mina ndzi nga hlayisa milawu ya Tatana, kutani ndzi tshame erirhandzwini ra yena.

Leswi ndzi mi lerisaka swona hileswaku mi rhandzana.

Loko ngi mi ri va misava, ingi misava yi rhandzile swa yona; kambe leswi mi nga riki va misava kambe leswi ndzi mi hlawuleke emisaveni, hikwalaho, misava ya mi venga.