Popular Bible Verses from VAAVANYISI 6

Deildu

Kutani ntsumi ya Yehovha yi humelela eka yena, yi ku eka yena: “Yehovha u na wena, wanuna wa matimba.”

Kutani Yehovha a rhendzelekela eka yena, a ku: “Yana hi matimba lawa u nga na wona, u ta lamulela Vaisraele emavokweni ya Vamidiyani. Xana a ndzi ku rhumanga xana?”

Yehovha a ku eka yena: “Kunene ndzi ta va na wena u ta hlula Vamidiyani kukotisa loko a ri munhu un'we.”

Gidiyoni a ku eka yona: “Yo! N'wini wanga, loko ngi Yehovha a ri na hina, leswo hinkwaswo a swi ta hi humelerisa ku yini? Ma kwihi masingita ya yena hinkwawo lawa vatata wa hina va hi byeleke wona va ku: ‘Xana a hi Yehovha la nga hi humesa eEgipta?’ Sweswi Yehovha u hi fularhele, u hi nyiketile emavokweni ya Vamidiyani.”

Gidiyoni a ku eka yena: “Yo, n'wini wanga, ndzi ta lamulela Israele ha yini xana? Vona, ndyangu wa mina hi lowutsongo exikarhi ka va Manase; na mina ndzi lontsongo eka yindlu ya tatana.”

Kutani ntsumi ya Yehovha yi ta, yi tshamisa ehansi ka nsinya wa munga lowu nga eOfira, wa Yowasi, Muabiezere. Gidiyoni, n'wana wa yena, a a ri karhi a hula mavele exikhuvutelweni, leswaku a ta ya fihlela Vamidiyani.

Kutani Gidiyoni a akela Yehovha alitari kona, a yi thya vito ra Yehova-salomo (Yehovha wa ku rhula). Ya ha ri kona, eOfira wa va Abiezere ni namuntlha.

Gidiyoni a ku eka yena: “Loko kunene ndzi kumile tintswalo emahlweni ka wena; wanga ndzi nyika xikombiso xa leswaku hi wena la vulavulaka na mina.

Yehovha a ku eka yena: “Ku rhula a ku ve na wena. U nga tshuki u chava, u nga ka u nga fi.”

Vana va Israele va engeta va endla leswo biha emahlweni ka Yehovha kutani Yehovha a va nyiketa emavokweni ya Vamidiyani hi malembe ya ntlhanu na mambirhi.