Popular Bible Verses from DEUTERONOMA 8

Deildu

Anakanya Yehovha, Xikwembu xa wena, hikuva hi yena la ku nyikaka matimba ku tilavela rifuwo, a ta tiyisa ntwanano lowu a wu hlambanyeleke vatata wa wena, hilaha a swi endlaka namuntlha.

U ku tsongahatile, u ku tshikile u ri ni ndlala, u ku dyisile manna, leyi u nga yi tivangiki, leyi vatata wa wena, na vona, va nga yi tivangiki, a va a ku dyondzisa leswaku munhu a nga ka a nga hanyi hi vuswa ntsena, kambe munhu a hanya hi hinkwaswo leswi humaka enon'wini wa Xikwembu.

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Chava ku vula embilwini ya wena, u ku: ‘Matimba ya mina, ni voko ra mina ra matimba swi ndzi fuwisile sweswo.’

“Chava ku rivala Yehovha, Xikwembu xa wena, u nga ti loloha ku hlayisa milawu ya yena, ni timhaka ta yena, ni ku lerisa ka yena loku ndzi ku lerisaka namuntlha.

Pfumela embilwini ya wena leswaku Yehovha, Xikwembu xa wena, a ku laya kukotisa munhu loko a laya n'wana wa yena.

U ta dya u ko u xurha, kambe u ta khensa Yehovha, Xikwembu xa wena, hikwalaho ka tiko lerinene leri a ku nyikeke rona.

“U ta hlayisa milawu ya Yehovha Xikwembu xa wena, hi ku famba etindleleni ta yena, ni ku n'wi chava.

lexi ku dyiseke emananga, manna leyi nga tiviwiki hi vatata wa wena, ku ku tsongahata, ni ku ku ringa, kambe xi ta ku katekisa kandzhaku.

Kutakuloko u dya u xurha, ni loko u akile tindlu leto saseka u va u tshama eka tona, ni loko tihomu ta wena ni timbuti ta wena swi andzile, ni loko mali ya wena ni nsuku wa wena swi tarile, ni loko rifuwo hinkwaro ra wena ri andzile, mbilu ya wena yi nga tshuki yi tikurisa, u va u rivala Yehovha, Xikwembu xa wena, lexi ku humeseke etikweni ra Egipta, endlwini ya vukhumbi

Hikuva Yehovha, Xikwembu xa wena, a ta ku nghenisa etikweni lerinene, etikweni ra milambu, ni ra swihlovo, ni ra mativa, laha mati ma humaka emikoveni ni le tintshaveni; etikweni ra koro, ni ra barley , ni ra vhinya, ni ra makuwa, ni ra magirenada; etikweni ra mitlhwari ni ra mafurha ni vulombe; etikweni leri, u nga ka u nga dyi vuswa bya wena evusiwaneni, laha u nga ka u nga pfumali nchumu, etikweni leri maribye ti nga tinsimbhi, ni leri u nga ta cela nsuku etintshaveni ta rona.

“Mi ta chivirika ku hlayisa milawu hinkwayo leyi ndzi mi lerisaka namuntlha, leswaku mi hanya ni ku andza; kutani mi ta nghena etikweni leri Yehovha a ri hlambanyeleke vatata wa n'wina, mi va mi ri fuma.

Nguvu ya wena a yi hlakalangi henhla ka wena, na yona milenge ya wena a yi pfimbanga hi malembe ya 40 lawa.

lexi ku fambiseke hi mananga lamakulu, lama chavisaka, exikarhi ka tinyoka leto hisa, ni swipame, ni le swivandleni leswi omeke, laha ku nga riki na mati; hi xona lexi ku humeseleke mati eribyeni