Popular Bible Verses from 1 Emakhosi 18

Deildu

Ngiphendvule, Simakadze, ngiphendvule, kuze kutsi labantfu batekwati kutsi wena, Simakadze, unguNkulunkulu nekutsi tinhlitiyo tabo uyatigucula.”

Kwase kutsi ngesikhatsi semhlatjelo wakusihlwa Elija wasondzela ngaselatini wathandaza watsi: “Awu, Simakadze, Nkulunkulu wa-Abrahama, na-Isaka, na-Israyeli, akwatiwe lamuhla lapha kutsi wena unguNkulunkulu wema-Israyeli nekutsi mine ngiyinceku yakho, nekutsi tonkhe letintfo ngitente ngekuyalwa nguwe.

Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

Batsi kube bantfu bakubone loko, baguca phansi bakhotsama, bakhala, batsi: “Simakadze unguNkulunkulu! Simakadze unguNkulunkulu!”

Kuloku kwesikhombisa lenceku yabuya yabika yatsi: “Ngibone lifu lelincane lelingangesandla semuntfu bukhulu balo, liphuma elwandle.” Ngako Elija wakhuluma watsi: “Hamba uyewutjela Ahabi kutsi akaphutfume agibele ahambe imvula isengakamvimbeteli.”

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

Elija wakhuluma ku-Ahabi, watsi: “Hamba, uyekudla unatse, ngobe kukhona umsindvo wemvula lenkhulu.”

Wakhuluma encekwini yakhe, watsi: “Hamba uyewubuka ngaselwandle.” Lenceku yahamba yayawubuka, yabuya yatsi: “Akunalutfo lapho.” Elija wakhuluma kulenceku emahlandla lasikhombisa solomane atsi: “Ncandzeka.”

Elija wabe sewukhuluma kuso sonkhe sive, watsi: “Wotani lapha kimi.” Beta kuye, wabe sewulungisa lilati laSimakadze lelase libhidlikile.

Nine nitawube senibita libito lalonkulunkulu wenu, nami ngibite libito laSimakadze. Lonkulunkulu loyawuphendvula ngemlilo, nguyena anguNkulunkulu sibili.” Bonkhe bantfu baphendvula, batsi: “Loko lokushoko kulungile.”

Elija watsatsa ematje lali-12, lilinye limele leso naleso sive lesasivela emadvodzaneni aJakobe, lapho kwefika khona livi laSimakadze kuye, mhlazana atsi: “Libito lakho kuyawuba ngu-Israyeli.”

Emini Elija wacala wabaphukuta atsi: “Memetani kakhulu! Impela ungunkulunkulu. Mhlawumbe ujulile uyacabanga, nome uyasebenta, nome useluhambeni. Mhlawumbe ulele, ngako kufanele avuswe.”

Ngalamatje wakha lilati egameni laSimakadze, wemba umsele lowawulitungeleta, waba mkhulu kangangekutsi bekungangena emanti langemalitha labengaba li-15.