Popular Bible Verses from Kenese 32

Deildu

‘Ona fa‘apea mai lea o ia, “E lē toe ta‘ua lou igoa o Iakopo, a o Isaraelu, auā e pei o se ali‘i ‘ua e finau i le Atua ‘atoa ma tagata, ma ‘ua e manumālō.”

‘Ua fa‘apea mai fo‘i o ia, “Tu‘u mai ia o a‘u a ‘ou alu, auā ‘ua ao.” A ‘ua tali atu ia, “‘Ou te lē tu‘uina atu lava oe se‘ia e fa‘amanuia mai ‘iā te a‘u.”

‘Ua tu‘ua fo‘i Iakopo e to‘atasi; ‘Ua la ivi fo‘i ma le tasi tagata ‘ua o‘o ‘ina aoina.

‘Ona fa‘aigoa atu lea e Iakopo o lea mea o Penieli; auā ‘ua fa‘apea a ia, “Na ‘ou iloa ai le Atua ‘ua ma fesagai lava, a ‘ua lavea‘iina a‘u.”

‘Ua iloa fo‘i e ia ‘ua lē mālō ia ‘iā te ia, ‘ona pa‘i atu lea o ia i le fa‘iga o lona suilapalapa, ‘ona se‘e lea o le fa‘iga o le suilapalapa o Iakopo ‘ina o la fagatua ma ia.

‘Ona fa‘apea mai lea o ia ‘iā te ia, “O ai ‘ea lou igoa?” ‘Ona tali atu ai lea o ia, “O a‘u o Iakopo.”

‘Ua fesili atu fo‘i Iakopo, ‘ua fa‘apea atu, “‘Inā ta‘u mai ia o lou igoa.” ‘Ona tali mai lea o ia, “Se a le mea ‘ua e fesili mai ai i lo‘u igoa?” ‘Ona fa‘amanuia lea o ia ‘iā te ia i lea mea.

‘ou te lē aogā lava i mea alofa uma ma le fa‘amaoni uma ‘ua e faia i lau ‘au‘auna; auā na ‘ou la‘asia mai i Ioritana nei, na o a‘u ma lo‘u to‘oto‘o; a o lenei, ‘ua ‘ou sau ma vaega e lua.

O le mea lea ‘ua lē ‘a‘ai ai le fānauga a Isaraelu i le ‘ua na meme‘i, o lo‘o i le fa‘iga o le suilapalapa, ‘ua o‘o mai i nei ona po; auā na pa‘i atu o ia i le fa‘iga o le suilapalapa o Iakopo i le ‘ua na meme‘i.

‘Ua fa‘apea fo‘i a Iakopo: “Le ALI‘I e, le Atua o lo‘u tamā o Aperaamo, o le Atua fo‘i o lo‘u tamā o Isaako, o lē na fa‘apea mai ‘iā te a‘u, ‘‘Inā e toe fo‘i atu i lou nu‘u ma lou ‘āiga, ‘ou te agalelei atu fo‘i ‘iā te oe;’

‘Ou te ‘ai‘oi atu, ‘ia e lavea‘i mai ‘iā te a‘u a‘i le lima o lo‘u uso, o le lima lava o Esau; auā ‘ou te fefe ‘iā te ia ‘ina ne‘i sau ia ma fasia a‘u ma tinā, ‘atoa ma fānau.