Popular Bible Verses from Kenese 22

Deildu

‘Ona fa‘aigoa ai lea e Aperaamo o lea mea “O le ALI‘I na te ‘aumaia,” e pei ‘ona fai mai ai i nei ona po, “E iloa le ALI‘I i le mauga.”

‘Ona fetalai mai lea o ia, “‘ia e ‘ave lou atali‘i, o lou atali‘i e to‘atasi, o lē ‘ua pele ‘iā te oe, o Isaako lava ma e alu i le nu‘u o Moria; ma avatu ‘iā te ia e fai ma taulaga mū i lea mea i le tasi mauga ‘ou te ta‘uina atu ai ‘iā te oe.”

‘Ona fetalai mai lea o ia, “Sōia le o‘o lou lima i le tama, ‘aua fo‘i ‘e te fai se mea e tasi ‘iā te ia; auā ‘ua ‘ou iloa nei ‘ua e mata‘u i le Atua, ‘ina ‘ua e lē tāofia lou atali‘i, o lou atali‘i e to‘atasi, a ‘ua e tu‘u mai ‘iā te a‘u.”

‘Ona tali mai lea o Aperaamo, “Lo‘u atali‘i e, e ‘aumai e le Atua se tama‘i mamoe māna e fai a‘i le taulaga mū.” ‘Ona ō fa‘atasi ai lea o i lā‘ua.

o le mea lea ‘ou te matuā fa‘amanuia ai ‘iā te oe, ma ou matuā fa‘ato‘ateleina lava lau fānau e pei o fetū o le lagi e pei o le oneone fo‘i i le matāfaga; e maua fo‘i e lau fānau faitoto‘a o ē ita ‘iā i latou. O lau fānau fo‘i e manuia ai atu nu‘u uma lava o le lalolagi auā ‘ua e usiusita‘i i la‘u ‘upu.”

‘Ua mavae ia mea, ‘ona tofotofo lea o le Atua ‘iā Aperaamo, ‘ua fa‘apea mai ‘iā te ia, “Aperaamo e;” ‘ona tali atu lea o ia, “O a‘u lenei.”

‘Ona vala‘au ifo lea o le agelu a le ALI‘I ‘iā te ia mai le lagi, ‘ua fa‘apea mai, “Aperaamo, Aperaamo e;” I le ‘ua tali atu o ia, “O a‘u lenei.”

‘Ua toe vala‘au ifo le agelu a le ALI‘I ‘iā Aperaamo mai le lagi, ‘ua fa‘apea mai, “O lo‘o fa‘apea a le ALI‘I, ‘ua ‘ou tautō a‘u ‘iā te a‘u; ‘ua e faia lava lenei mea, ‘ua e lē tāofia lou atali‘i, o lou atali‘i e to‘atasi

‘Ua o‘o atu lā‘ua i le mea na ta‘uina mai ai e le Atua ‘iā te ia; ‘ona faia lea e Aperaamo o le fatafaitaulaga i lea mea, ma fa‘aafu le fafie; ‘ua na fusifusi fo‘i lona atali‘i o Isaako ma fa‘ae‘e ‘iā te ia i le fata i luga o le fafie.