Popular Bible Verses from Romanos 8

Deildu

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Aỹem ỹataqta saỹateeta da qaica ca ishet da qomi' nqateeguesopa da lauotaxanaqtaic Ñim Lo'onatac 'Enauacna; na'aictaxa da huo'otaq achaalataxac, qataq da nleuaxa, huo'otaq nam namaxashecpi piguem le'ecpi qataq na saq cha'api, huo'otaq nam souaqtaigui nagui qataq cam ñaq natauo, huo'otaq nam na'añaxacpi maye hueto'ot na piguem qataq nam huetaña na pa'aguiñi, qataq 'enauac na laỹepi lo'onatacpi Ñim Lo'onatac 'Enauacna, ¡qaica ỹataqta qaica, ca ishet da ỹañoxot da qomi' nqateeguesopa da lauotaxanaqtaic Ñim Lo'onatac 'Enauacna maye qomi' ỹachaxanalo, ỹachegoxotchigui So Qarataxala' Jesucristo!

Qaq nache 'eetec de'era, qataq ye da qanaquitaxac Ñim Lo'onatac 'Enauacna qaica ca la'añaxac, nache So Saqcha'a Na'añaxac Qui'itta qomi' itaua'n. Cha'aye saishet da saỹatenaq ca lataxac da seỹaxanaqot Ñim Lo'onatac 'Enauacna, qalaxaye nacheso So Saqcha'a La'añaxac da qomi' ñachoxoreeleguete, qalaxaye naua nachoxonnaxaco somaye ỹataqta saishet da qaivi' da qaỹa'axateguelo ca naigui.

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Cha'aye da seuennaqtega 'enauac nam qauem maye 'eetapeguec da qarapachiỹaxac, nache ỹataqta qaỹoqtalo qome qomi' Ñim Lo'onatac 'Enauacna. Qaq da nda'a't da seuennaqtega cam 'eetapeguec So Saqcha'a Na'añaxac Qui'itta, nache qomi' taỹoto ca qarca'alaxa chochaq tatec qataq ca nlagaxayec.

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

Ỹataqta 'eesa ñaqa'en da naua qanque'eenaxaco maye seviraxagueta nagui ỹataqta qaica ca la'amaqche'c, da ñaloqnaxaguet da llo'oxoyec qome que'eca dalaxaic achaalataxac maye Ñim Lo'onatac 'Enauacna qomi' ỹanema qome da sonaqta'aguet Ñimaye.

Qaq da inataxanaxac 'eeta': ¿Negue't ca ishet da qomi' nqateeguesopa da lauotaxanaqtaic So Cristo? ¡Qomye qaica! ¿Peta'a na sa ỹaỹamaxañisat qataq nam que'eenaxacpi qataq na lqalaicpi? ¿Peta'a ỹañoxot de'era na nqouaxa, huo'otaq na latomaxa huo'otaq na lchecsat qataq da nleuaxa? ¡'A'i, saishet!

Qaq Ñim Lo'onatac 'Enauacna maye ỹaỹaten 'enauac nam qarhuennataxacpi, Ñimaye ỹaỹaten cam 'eetapeguec So Saqcha'a Na'añaxac Qui'itta. Cha'aye Somaye nachoxonnot Ñim Lo'onatac 'Enauacna da nachoxoreelec nam ỹataqta lalamaxatpi Ñimaye, qaq naua nachoxonnaxaco ỹataqta ỹaỹamaxareete' Ñim Lo'onatac 'Enauacna.

Qaq 'enauac nam quetague' So Saqcha'a La'añaxac Ñim Lo'onatac 'Enauacna, namayepi ỹataqta llalaqpi Ñimaye.

Cha'aye nam quetague' da saishet da nllañi da qauem lqopitaxanaqtaic, namayepi nachaqrata da tatapigui lauel da ỹo'ot da qauem. Qalaxaye nam quetague' da ỹalaxaguet So Saqcha'a Na'añaxac Qui'itta, namayepi nachaqrata da iuennatega da ỹo'ot nam 'eetapeguec Somaye.

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Se'eso Saqcha'a La'añaxac Ñim Lo'onatac 'Enauacna huaxaiguet so saqcha'a qarca'alaxa, nache ỹataqta 'itchiguiñi naqa'en da qomi' llalqa Ñimaye. Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Nam saishet da nllañi nam qauem lqopitaxanaqtaicpi nda'a't da iuennatega da ỹo'ot ca qauem, nache namayepi ỹataqta ipa'agueetac Ñim Lo'onatac 'Enauacna. Cha'aye sa ỹaỹamaxaren qataq saishet da ỹalaxaguet na lamaxasoxonaxacpi Ñimaye.

'Enauac nam lo'onatacpi Ñim Lo'onatac 'Enauacna iuatta'a qataq ỹataqta lta'araic da lachetataic, da Ñimaye 'enauac qomi' ỹachaxanalo na huetalec ana 'alhua da ỹataqta qomi' llalqa.

Qomi' saỹaanaq da 'enauac na lo'onatacpi Ñimaye huo'o da lachetataic qataq dachotta'am da nqui'ic, 'eeta'am aca 'alo maye mashe huotaique da deco'o.