Popular Bible Verses from Romanos 15

Deildu

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Cha'aye 'enauac nam nanettalec ana nere maye huetalec na la'aqtacpi Ñim Lo'onatac 'Enauacna qoỹiyiñi co'ollaxa da yaqto' qomi' ỹapaxague'n. Da la'aqtaxanaxac anamaye qomi' itaua'n da yaqto' huo'o da qara'añaxac qataq qanhualaxaunaxac, qataq ỹataqta 'itchiguiñi da 'eesa dam qara'amqaanataxanaxac.

Qaq na'aictaxa da nacheñi Ñim Lo'onatac 'Enauacna Ñim qomi' ỹanema da qarhualaxavic qataq qomi' ỹa'añaqche't. Qaq aỹem seỹaxanot Ñimaye da yaqto' qami' itaua'n yaqto' ỹataqta qana'ayeeta't, qataq qoquiitelec da lataxac So Cristo, yaqto' 'enauac da qoñiita qalapoñiita't da qavio'oxoyiñiitac Ñim Lo'onatac 'Enauacna maye Nta'a.

Qaq ỹoqo'oye ñi 'oonolec da qoñiita ỹataqta ỹaconeguet ca lỹa da 'eeta'am naqa'en da 'eetec So Cristo co'ollaq qami' ỹaconegueta, da yaqto' 'enauac qaỹo'oxoren Ñim Lo'onatac 'Enauacna.

'Enauac da shenaqta iuen da souaqapegue' na qaraỹepi qataq selaqaique ca laỹamaxa maye ishet da machiguiñi naqa'en. Qaq 'era da 'eetec da setaunaxac namayepi da nquiguisheguem da lpi'iỹaxac Ñim Lo'onatac 'Enauacna.