Popular Bible Verses from Génesis 25

Deildu

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»

Nache 'enapego' so Jacob, 'eeta': «Ñaq aỹem 'arqouaguec da aỹem 'aỹa'anem, catai' saq 'amaqtaq laỹolec de'era 'arhuoshec togaxaraic maye deqaqchigui, cha'aye aỹem huotaique da selem na ỹoqouaxa.» Qaq ỹoqo'oye so Esaú, qaỹaỹaten nataqa'en da le'enaxat da Edom.

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Nache so Esaú 'enapeco': «¿Negue'to' ca naigui, dam 'enec da aỹem na'auaxanec ñalec, ye mashe huotaique selem na iqouaxa?» Nache so Jacob, 'enapeco': «Qaq 'aỹa'an qone' ca 'ara'aqtac da aỹem 'aumenot da qonec da 'am na'auaxanec ñalec.» Nache so Esaú ỹanem somaye so la'aqtac, qaq 'era da 'eetec somaye da imenot so Jacob, dam 'enec da na'auaxanec ñalec.

Qaq ime, qaltaq ñiguiñi so lqaỹa, qaq somaye ỹacootagui ana lla'axa so Esaú, qaq ỹoqo'oye qoỹanagui da le'enaxat Jacob. Qaq so Isaac mashe ivi' co'ollaxa soua sesenta vi'iye da nachaalataxac, co'ollaq deco'o aso Rebeca.

Qaq so Isaac ỹataqta lauotaxat co'ollaxa so Esaú, souaxat da chectac naxa na ne'epet somaye. Qaq aso Rebeca, qalaq ỹataqta lauotaxat so Jacob.