Popular Bible Verses from Éxodo 2

Deildu

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob. Nache Ñim Lo'onatac 'Enauacna ỹamata'a so Israel llalaqpi nache ỹoqocha'a souaxat de'era huaigui somayepi.

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Qaq co'ollaq ivita da mashe ỹechigui so nogotolec, nache asomaye iroua'a aso llale so nta'a, qaq asomaye nache ỹacona da yaqto' ỹaqchet qataq nache 'eco' maiche lalamaxat llalec, nache ỹanagui da le'enaxat Moisés, cha'aye 'enapeco': «Aỹem ñeqatta, sachegoxotangui so tala.»

nache co'ollaq ivireuo asomaye, nache aso llale so nta'a maye ilotague' som netaña ye Egipto 'enapego', 'eeta': «Ña 'auache ne'ena nogotolec, qataq nache 'aỹa'aqchet qome, qaq aỹem qome sesheeten da 'aro'onataxanaxac.» Qaq 'era da 'eetec asa'aso 'alo da ỹache se'eso nogotolec da yaqto' ỹaqchet.

Qaq co'ollaq mashe lcopa'a, nache aso llale so faraón taxaama aso tala da nachel. Qaq soua lamaxashel co'ollaq ñaq quetro'ot na loigue aso tala, nache asomaye ilaxaama aso npaqtole, netaigui so na'aatesat. Nache ỹamaq aso 'oonole soua lamaxashel da ỹe'eguenaxaama asomaye.

Qaq huo'o so na'a'q co'ollaq so Moisés ivita da mashe ỹe, nache nqo'ona ye netaña so lalamaxat lqaỹañecpi, huaña nache ilalec da ỹataqta qaica ca nyacnataguec souaxat da nlataguec. Ime qataq ỹauaachigui so Egipto le'ec da iuaxaatac so hebreo le'ec maye lauo' le'ec somaye. Nache ỹataqta ỹamattapiguiñi somaye, qaq co'ollaq qaica ca ila'a, nache ỹalauat se'eso Egipto le'ec, nache ilaroigui so delec.