Popular Bible Verses from Hechos 2

Deildu

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Qaq 'enauac somayepi ỹataqta queteguelo naua lapaxaguenataxanaxaco se'esoua namaxa'she, qataq ỹataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Nache nque'elaxatta da qaỹa'axaỹa so lta'araic nllimiaxa, chemqot na piguem, 'eeta'am da l-lamaxa na lta'araic la'at, ỹataqta iqaqñigui cam nỹec maye qanayeetaigui. Huaña, nache qaila'a so 'eeta'am na le'eraxa na norec, da netalec ñi 'oonolec somayepi. Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Nache 'enauaque naua na'axa'te lapootega't, qanayeeta'a aso no'onaxanaxaqui late'erai, qataq da qanayeetaugalo naua nma'ate da nquia'axauapi, ỹataqta machiguiñi qataq qaica ca na'amqaanaxac. Nache qaỹo'oxoreetac Ñim Lo'onatac 'Enauacna, nache 'enauac na shiỹaxauapi ỹataqta huo'o naq 'ene'c naqa'e'n soua namaxa'she. Nache Som Qarataxala', 'enauaque naua na'axa'te da nqochenaxattauec na 'amqaanataxanaxaicpi maye nca'alaxatec.

Ñim Lo'onatac 'Enauacna 'enapec: Caua pa'atre'c na'axa'te, nache Aỹem ñanacot Ñim Saqcha'a Ỹa'añaxac da sanem 'enauac na shiỹaxauapi; nache na ỹalleppi qataq na 'alpi, ỹa'axa't qome naua ỹa'aqtaqa, qaq na nsoxoppi huo'oi naua lauanaqcheco chegoqo'oto Ñim Lo'onatac 'Enauacna, qataq na ỹa'axaiquipi huo'oi naua lchoxonaxaco.

Qaq 'enauac na da'amqaanataxanpi ỹataqta 'oonolec da lataxac, qataq 'enauac na lalamaxatpi ỹataqta nhuaachigui. Huo'o na imen na lma', qataq huo'o na imen na logoxoshetpi, nache ana lasheue ỹanem ca lỹa, qalaxaye ỹataqta ca tachiguiña ca lhuenaxanaxa ñi 'oonolec.

Huaña qome, nache 'enauac nam iỹaxaatega da le'enaxat Ñim Nataxala', namayepi qanca'alaxatec.

'Om añi nala', ñi ca'agoxoic qalaq 'eeta'am na ntago'q, qom yaqta'a da ivita ca na'a'q maye lviraxaqui Ñim Nataxala'. Que'eca na'a'q ỹataqta qaica ca 'ena'am da la'amaqchec qataq da llo'oxoyec.