Qalaxaye co'ollaq mashe laiñi so pe, nache so Pablo qataq so Silas, soomaye nqouagaxaueeta'ape qataq do'onaxaata'ape, ỹo'oxoreetrac Ñim Lo'onatac 'Enauacna. Qaq som laỹepi ncoñeteguishecpi na'axaỹaxaategalo soomaye. Nache nque'elaxatta da huo'o so nacholaxanaxa, nache ỹataqta ỹacholaxanapec aso ncoñetaxanaxaqui, ivira'a naqa'en na pa'aguiñi. Huaña, nache maiche nauatoiguilo naua laso'omi, qataq maiche huesore'c naua lque'ete so ncoñeteguishecpi.