Popular Bible Verses from 1 Corintios 6

Deildu

Da qaro'ocỹaxaqui 'eeta'am aca no'onaxanaxaqui, qaq aca'aca no'onaxanaxaqui netaigui So Saqcha'a Na'añaxac Qui'itta maye qami' ỹanema Ñim Lo'onatac 'Enauacna. Qaq da qaro'ocỹaxaqui saishet da maiche qaralamaxache. Cha'aye Ñim Lo'onatac 'Enauacna co'ollaq qami' nca'alaxatre'c, nache qami' desheenaxanalo, qaq aso lasheue co'ollaxa da qami' desheenaxanalo ỹataqta late'erai. Ỹoqo'oye iuen da ỹataqta qaumachiỹo'ot Ñim Lo'onatac 'Enauacna da qaro'ocỹaxaqui da qavio'oxoyiñi, yaqto' Ñimaye huo'o da ntonaxac.

¿Qami' sa qauaỹaañiỹo' da ca ỹo'ot ca sa ỹaỹamaxañi, nache camaye saishet da inoxoneua'a da lo'onataxanaxac Ñim Lo'onatac 'Enauacna? Saishet qome da qami' qaỹatenache't. Cha'aye saishet qome da inoxoneua'a da lo'onataxanaxac Ñim Lo'onatac 'Enauacna nam quetaigui da lquisheguetaxac, qataq na natameetacot na ỹaqa'api maye saq 'en qataq choche ne'enaqtacpi, qataq na lauatapiguiñi' aca sa lhua, qataq na huetapeeguet ca 'eeta'am lỹa ỹale, qataq na cachaxaicpi, qataq na mataxalaicpi, qataq na taxaicpi, qataq ca na'aqtaqa lo'o', qataq na nquigaxatapeguec aca lasheue ca lmenec.

Ỹoqo'oye saishet da qoquiitaigui da qarquisheguetaxaqui. Na laỹepi sa ỹaỹamaxañi maye ishet da ỹo'ot ca shiỹaxaua, namayepi saishet da na'aqchet da lo'ocỹaxac. Qalaxaye cam quetaigui da lquisheguetaxac, camaye maiche na'aqchet da lalamaxat lo'ocỹaxac.

Huo'o naxa da qoñiita na 'eeta' da la'aqtac: «Aỹem huesochiguiñi da so'ot ca maiche sheetapeguec.» ¡Aja', damaye ỹoqta 'eesa! Qalaxaye saishet da 'enauac na 'eetapeguec ca shiỹaxaua da ỹaỹamaxaañi. Qaq ỹoqo'oye qaica ca sashenem da maiche aỹem ỹoiqueetac.

Qaq Ñim Lo'onatac 'Enauacna maye nca'alec naqa'en So Jesucristo co'ollaq qaỹalauat, Ñimaye nataqa'en taỹa'a da qomi' nca'alaxatre'c, do'onataxana da maiche la'añaxac.