Popular Bible Verses from Sofonias 3

Deildu

Ang GINOO nga inyong Dios anaa uban kaninyo; ang iyang gahom maghatag kaninyog kadaogan. Malipay kaninyo ang GINOO, ug diha sa iyang gugma hatagan kamog bag-ong kinabuhi. Magmalipayon siya nga moawit tungod kaninyo

Niadto unyang panahona tigumon ko kamo ug ibalik ngadto sa inyong pinuy-anan. Himoon ko kamong bantogan ug dinayeg sa tanang katawhan sa kalibotan, ug ibalik ko na kaninyo ang inyong pagkaadunahan.” Ang GINOO mao ang nagsulti niini.

Dili na kamo silotan ni Yahweh, giabog na niya ang inyong mga kaaway. Si Yahweh, ang hari sa Israel anaa sa inyong taliwala, busa ayaw na kamo kahadlok sa daotan.

Niadto unyang panahona, silotan ko ang tanang nagdaugdaog kaninyo; luwason ko ang mga bakol ug tigumon ang mga sinalikway; daygon na sila inay pakaulawan, ug himoon ko silang bantogan sa tibuok kalibotan.