Vinsæl biblíuvers úr MATEWUS 5

Deildu

Fitilla san dom kayni kay kuluɓum gaa kuɗ duttaɗi, may tunum kulo kay va ma tun fitilla, ki kayn nala nam as vul haraŋa mi nisi kaf sa hay ziyna. Nala nigi kaw hingi haraŋa vigi wile goy vok sumuna, kay nisi ma wi lopna vigiya ma ŋaana, subur bugiya ma hay wuralawna kaw.

Nigiya mi haraŋa vi sa nagatna, hoyok-ziyn ma ka kulo kay hiɗiyta fi ŋay goyɗi.

Sle'ta ka kay sa diksi ka goy peldete, kay nisi ma wi Lawna.

Sle'ta ka kay nisi sa mayt cisiya, laat lisiya kaw kuɗ garta ɗigerta, kay nisi ma hoba.

May nan digiya: mingi sa gawt kigina, gigi bolo kay nisi sa ŋulgiya, ligi ŋaat tam nisi sa ka gawt kigiya, siɗawgi kay sum sa curoɗgina hiɗi sa lasgina

Sle'ta ka kay sa haw hay ŋusta, kay mulda-wuralawna kayni fisita.

Sle'ta ka kay sa tap jaara, kay nisi ma yisis gurona vi Lawna.

Sle'ta ka kay nisi sa tiy hay diksiya, kay nisi ma fi teŋ-irta.

Sle'ta ka kay nisi sa fi lastawa kuɗ ɗigerta, kay mulda-wuralawna kayni fisita.

Sle'ta ka kay sa slugona, kay nisi ma fi slugota.

Sle'ta ka kigiya hay li ma sumun ŋulgiya, ligi lasi, ka sin ma joon pet kigiya kaw kuɗan nanu. Firigiya hay dikgi ŋaa ŋolo, kay wurakŋa vigi ka ŋolo hay wuralawna, kay sa jobta-Lawna sa ay jewgin kaw nisi lassi ki kayn nala.

Sle'ta ka kay sa zigin-zlata, kay nisi ma yaw nagat voco'o.

Nigiya mi mandana vi nagata. May la mandana muɗawa goy lemdeke, hot muɗum vi cet-cet' ɗawn hiɗi mige? Ŋaata valam kayni kay kom goyo, sumun tayam gaa kuɗ sesiya tuta.

Kay na'ta nigi ma muɗ goy ŋaa'a pasiyak ki bugi ma hay wuralawna ka pasiyaki nala kaw.

May dita vigi ma li nala: la awa, awa; la a'a, a'a. La va ma suw kayni ka'a, nam may vi ma joon pa.

Nigi humi ala dit di'e: Ira kay ira, siyna kay siyna. May nan digiya: Yawgi kulo'o kay sa ligi joonɗi, may la san caŋ kay galaŋ ma jufna, muɗum galaŋ ma gulla kaw.

La iraŋ ta jufta kalaŋ hay nemda, hulota' goyo, ga' goy gine hiɗi naŋu, kay a iraŋ kep ɦawa ba'a, may tuwaŋ kaf kal hay kuta ta tewɗitɗi kayn ŋaa'a kaŋu. La ɓaŋ ta jufta nemaŋu, ka' goyo, ga' goyo kaw, kay a ɓaŋ kep ba'a, may tuwaŋ kaf kal hay kuta tewɗitɗi kayn ŋaa'a kaŋu.