Popular Bible Verses from Soponi 3

Deildu

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Mee ndəa’g neelé n’a tel ree sə sí, Mee ndəa’g neelé n’a mbo̰ sí dɔ na̰’d, Mbata n’a kar sí tel toje gə́ nékula rɔnduba gə népidi Mbuna koso-dəwje lai gə́ dɔ naŋg nee Loo gə́ n’a kḭ gə njé’g lə sí gə́ d’wa dee gə́ ɓər Tel sə dee kəm sí’g ya, Njesigənea̰ ɓa pa bèe.

Njesigənea̰ ya̰ goo bo̰ néra sí Gə́ yeḛ wɔji mba karee ɔs ta sí’g ləm, Yeḛ ɔs njeba̰ lə sí rɔ sí’g rəw gə́ raŋg ləm tɔ, Mbai gə́ Israɛl gə́ to Njesigənea̰ lé Si mbuna sí’g ya, Seḭ a ɓəlje némeeko̰ gə́ a teḛ dɔ sí’g nda̰ el.

Aa ooje, mee ndəa’g neelé N’a kar bo̰ néra njékula kəm loo ndooje ɔs ta dee’g, N’a taa dɔ njémədje ləm, Deḛ gə́ tuba dee lé N’a kwa dee gə́ rɔ neḛ’g ləma, N’a kar dee tel to népidi gə nékula rɔnduba Mee ɓeeje lai gə́ d’isi gə rɔkul keneŋ lé ləm tɔ lé.