Popular Bible Verses from 1 Njé gə́ Kɔrḭtə 15

Deildu

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

Nɛ Ala lé gə́ njekar sí j’un baŋga gə ri Mbaidɔmbaije lə sí Jeju Kristi lé maji kar dɔ ria ai səgərə ya.

Ǝrje rɔ sí el: kɔr kura gə dəwje gə́ majel lé ɓa néra sí gə́ maji a tuji ne ya.

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

Wah! yoo, see loo kun baŋga ləi to ra wa. Wah! yoo, see nékadje ləi to ra wa. Nékad lə yoo lé yee ɓa to kaiya, siŋgamoŋ lə kaiya lé yee ɓa to gə́ godndu tɔ.

Aa ooje, ma m’ria sə sí dɔ né gə́ to loo-kiya’g gə́ raga: j’a kwəi lai el, nɛ j’a kun rɔ sí gə́ ləw mbél ne yeḛ gə́ sigi léegəneeya to gə́ kəm gə́ tuga jib bèe ndɔ gə́ to̰to̰ gə́ rudu a ɓar lé. Mbata to̰to̰ a ɓar ya ndá njé gə́ d’wəi lé d’a kunda loo teḛ gə rɔ dee gə́ a gə yɔlé el ŋga ndá jeḛ kara j’a kun rɔ sí gə́ ləw mbél ne nje gə́ sigi tɔ.

Mbata to gə́ néra dəw gə́ kára ba ya, yoo o̰ ne ɓee dɔ naŋg nee ndá togə́bè ɓa néra dəw gə́ kára ba ya dəwje d’a teḛ ne dɔkumbwa’g tɔ. To gə́ dəwje lai d’wəi gin Adam’g lé deḛ lai gə́ d’ɔm na̰’d gə Kristi lé d’a tel si gə kəmə lé tɔ.

Mbata lé riri kara rɔ sí gə́ yɔlé lé a kun yeḛ gə́ a gə yɔlé el kula rəa’g yul ləm, rɔ sí gə́ ka̰ naŋg neelé a kun yeḛ gə́ a gə kwəi el kula rəa’g yul ləm tɔ.

Mbata lé riri kara yeḛ a to mbai dɔ dəwje lai-lai saar yeḛ a dum ne dɔ njéba̰je’g ləa lai kuba dee ne gin gɔlee’g més ya. Njeba̰ gə́ yeḛ a tuji gə́ rudu dee lé ɓa to yoo.