Popular Bible Verses from تكوين 28

Deildu

شِيفْ! نِأَكِّدْ لَيْك! أَنَا ذَاتِي قَاعِدْ مَعَاكْ. نَحْفَضَكْ فِي أَيِّ بَكَانْ التَّمْشِي فَوْقَهْ وَ نِقَبِّلَكْ فِي الْبَلَدْ دِي. أَنَا مَا نِخَلِّيكْ وَ لَحَدِّي نِتِمّ كُلَّ الشَّيّءْ الْقُلْتَهْ لَيْك.»

وَ اللّٰهْ وَاقِفْ جَنْبَهْ وَ قَالْ لَيَّهْ: «أَنَا اللّٰهْ إِلٰـهْ أَبُوكْ إِبْرَاهِيمْ وَ إِلٰـهْ إِسْحَاقْ. الْأَرْض الْإِنْتَ رَاقِدْ فَوْقهَا دِي، نَنْطِيهَا لَيْك وَ لِذُرِّيّتَكْ.

وَ يَعْقُوبْ قَمَّ مِنْ نَوْمَهْ وَ قَالْ: «أَكِيدْ! اللّٰهْ قَاعِدْ فِي الْبَكَانْ دَا وَ أَنَا مَا عِرِفْتَهْ.»

وَ بَعَدْ دَا، يَعْقُوبْ سَوَّى نَذِرْ وَ قَالْ: «كَنْ الرَّبّ قَاعِدْ مَعَايِ وَ حَفَضْنِي فِي مَخَطَرِي الْأَنَا مَاشِي فَوْقَهْ وَ أَنْطَانِي أَكِلْ وَ لُبَاسْ وَ كَنْ قَبَّلَانِي فِي بَيْت أَبُويِ بِصِحَّةْ وَ سَلَامَةْ، خَلَاصْ اللّٰهْ هُو بَسْ يَبْقَى إِلٰـهِي. وَ الْحَجَرْ الْغَزَّيْتَهْ لَيْك، يَا رَبِّي، يَبْقَى بَيْتَكْ. وَ نَنْطِيكْ الْعُشُرْ مِنْ كُلَّ شَيّءْ التَّنْطِينِي.»

وَ ذُرِّيّتَكْ تَبْقَى كَتِيرَةْ مِثِلْ تُرَابْ الْأَرْض وَ تِزِيدْ مِنْ الصَّبَاحْ لِلْغَرِبْ وَ مِنْ الْمُنْشَاقْ لِلْوَطِي. وَ كُلَّ قَبَايِلْ الْأَرْض يَلْقَوْا بَرَكَةْ بَيْك إِنْتَ وَ بِذُرِّيّتَكْ.

وَ سَمَّى الْبَكَانْ دَا بَيْت إِيلْ (مَعَنَاتَهْ بَيْت اللّٰهْ). وَ لَاكِنْ زَمَانْ، الْحِلَّةْ دِي أُسُمْهَا لُوزْ.