Popular Bible Verses from تكوين 17

Deildu

وَكِتْ أَبْرَامْ عِنْدَهْ 99 سَنَةْ، اللّٰهْ بَانْ لَيَّهْ وَ قَالْ: «أَنَا اللّٰهْ الْقَادِرْ. تَابِعْ كَلَامِي وَ أَبْقَى دَايْماً صَالِحْ.

مِنْ الْيَوْم، مَا يِنَادُوكْ أَبْرَامْ لَاكِنْ يِنَادُوكْ إِبْرَاهِيمْ أَشَانْ أَنَا نِسَوِّيكْ أَبُو هَنَا أُمَمْ كَتِيرِينْ.

وَ مُعَاهَدَتِي السَّوَّيْتهَا مَعَاكْ إِنْتَ وَ مَعَ ذُرِّيّتَكْ مِنْ بَعَدَكْ تَقْعُدْ دَايْماً. وَ الْمُعَاهَدَةْ الدَّايْمَةْ دِي تِوَصِّفْ كَدَرْ أَنَا نَبْقَى إِلٰـهَكْ وَ إِلٰـهْ ذُرِّيّتَكْ.

«دِي هِي الْمُعَاهَدَةْ الْبَيْنِي وَ بَيْنَكْ. إِنْتَ تَبْقَى أَبُو هَنَا أُمَمْ كَتِيرِينْ.

لَاكِنْ الرَّبّ قَالْ لَيَّهْ: «لَا، مَا مِثِلْ كَيْ! مَرْتَكْ سَارَةْ تَلْدَ لَيْك وِلَيْد وَ تِسَمِّيهْ إِسْحَاقْ. وَ أَنَا نِثَبِّتْ مُعَاهَدَتِي الدَّايْمَةْ مَعَايَهْ وَ مَعَ ذُرِّيّتَهْ.

وَ نَنْطِيكْ إِنْتَ وَ ذُرِّيّتَكْ كُلَّ التُّرَابْ هَنَا بَلَدْ كَنْعَانْ الْإِنْتَ سَاكِنْ فَوْقهَا أَجْنَبِي. وَ الْبَلَدْ دِي تَبْقَى وَرَثَتْهُمْ إِلَى الْأَبَدْ وَ أَنَا نَبْقَى إِلٰـهُّمْ.»

وَ بَعَدْ دَا، إِبْرَاهِيمْ سَجَدْ قِدَّامْ اللّٰهْ وَ ضِحِكْ وَ قَالْ فِي قَلْبَهْ: «كِكَّيْف نَقْدَرْ نَلْدَ، أَنَا الْعِنْدِي 100 سَنَةْ؟ وَ كِكَّيْف سَارَةْ الْعِنْدَهَا 90 سَنَةْ تَقْدَرْ تَلْدَ؟»

وَ اللّٰهْ قَالْ بَتَّانْ لِإِبْرَاهِيمْ: «بَعَدْ الْيَوْم، مَرْتَكْ سَارَايْ بَتَّانْ مَا تِنَادِيهَا سَارَايْ لَاكِنْ نَادِيهَا سَارَةْ.

وَ طَهُورِتْكُو دِي فِي جِلِدْكُو تَبْقَى عَلَامَةْ هَنَا الْمُعَاهَدَةْ الْبَيْنِي وَ بَيْنكُو.

لَاكِنْ مُعَاهَدَتِي دِي، نِسَوِّيهَا مَعَ إِسْحَاقْ، السَّارَةْ تَلْدَاهْ لَيْك فِي السَّنَةْ الْجَايَةْ فِي نَفْس الْوَكِتْ دَا.»

وَاجِبْ تِطَهُّرُوا أَيِّ دَكَرْ مِنْ ذُرِّيِّتْكُو فِي تَمَانَةْ يَوْم بَعَدْ وَالُودْتَهْ. وَاجِبْ تِطَهُّرُوا أَيِّ دَكَرْ الْمَوْلُودْ فِي بُيُوتْكُو أَوْ عَبِيدْكُو الشَّرَيْتُوهُمْ مِنْ عِيَالْ الْأَجَانِبْ الْمَا مِنْ نَفَرْكُو. وَ تِطَهُّرُوا كُلَّ الدُّكُورْ الْوِلْدَوْهُمْ فِي بُيُوتْكُو وَ الْعَبِيدْ الشَّرَيْتُوهُمْ. وَ بَيْدَا، مُعَاهَدَتِي تَقْعُدْ فِي جِلِدْكُو وَ هِي مُعَاهَدَةْ دَايْمَةْ.