Popular Bible Verses from خُروج 34

Deildu

وَ فَاتْ قِدَّامْ مُوسَى وَ عَالَنْ وَ قَالْ: «أَنَا اللّٰهْ! أَنَا اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ. نِوَصِّفْ خَيْرِي الدَّايِمْ لِآلَافْ الذُّرِّيَّاتْ وَ نَغْفِرْ الْخَطَا وَ الْعِصْيَانْ وَ الذُّنُوبْ. وَ لَاكِنْ الْمُذْنِبْ مَا نَجْعَلَهْ بَرِي. نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.»

مَا تَعَبُدُوا إِلٰـهْ آخَرْ بَلَايِ أَنَا اللّٰهْ أَشَانْ أَنَا غَيُّورْ يَعْنِي مَا نِدَوْر يَعَبُدُوا إِلٰـهْ آخَرْ.

وَ اللّٰهْ قَالْ لِمُوسَى: «دَاهُو أَنَا نِسَوِّي مَعَاكُو مُعَاهَدَةْ. نِسَوِّي عَجَايِبْ قِدَّامْ كُلَّ شَعَبَكْ الْأَبَداً مَا بِقَوْا فِي أُمَمْ الْأَرْض. وَ الشَّعَبْ الْإِنْتَ قَاعِدْ فِي أُسُطْهُمْ يِشِيفُوا كُلَّ الْفِعِلْ الْعَجِيبْ الْبِخَوِّفْ الْأَنَا اللّٰهْ نِسَوِّيهْ بَيْك إِنْتَ.