Popular Bible Verses from خُروج 12

Deildu

وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ. وَ الدَّمّ دَا يَبْقَى لَيْكُو عَلَامَةْ التَّحْمِيكُو فِي الْبُيُوتْ الْإِنْتُو سَاكْنِينْ فَوْقهُمْ. وَ كَنْ أَنَا شِفْت الدَّمّ دَا، نِبَارِي بُيُوتْكُو وَ الْوَبَاءْ هَنَا الْمَوْت مَا يَلْحَقْكُو وَكِتْ نِعَاقِبْ الْمَصْرِيِّينْ.

«وَ الْيَوْم دَا، يَبْقَى لَيْكُو يَوْم التِّذَّكَّرَوْا فَوْقَهْ. وَ تِعَيُّدُوا دَايْماً الْعِيدْ دَا لِلّٰهْ وَ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ.»

أَكُونْ عِيَالْكُو يَسْأَلَوْكُو وَ يُقُولُوا: ‹الْعِيدْ دَا مَعَنَاتَهْ شُنُو؟› إِنْتُو قُولُوا لَيْهُمْ: ‹نَدْبَحَوْا ضَحِيَّةْ عِيدْ الْفِصْحَ لِلّٰهْ أَشَانْ اللّٰهْ بَارَى بُيُوتْنَا أَنِحْنَ بَنِي إِسْرَائِيلْ فِي مَصِرْ. وَكِتْ هُو ضَرَبْ الْمَصْرِيِّينْ، هُو بَارَى بُيُوتْنَا وَ نَجَّانَا.›» وَ فِي الْبَكَانْ دَا، كُلَّ شَعَبْ بَنِي إِسْرَائِيلْ دَنْقَرَوْا وَ سَجَدَوْا.