Popular Bible Verses from Mc 12

Deildu

Jesús 'yateguet joñe'me: —Da'me p'ajaye Dios lamaĝajoĝonaĝac enaac: “Anaquiaĝañiya da'me dojo', ami Israel laje'pi: ¡Ñe'me Jaliaĝanec mach'e Qanedios, nach'eñeta Jaliaĝanec! Adoqopita ñe'me Jaliaĝanec 'me Anedios, auemata na'me adauel, nataq'aen auemata na'me adepaqal, nataq'aen auemata da'me adelnataĝac, nataq'aen auemata da'me at'añaĝac.” Nataq'aen uoja'e jenjo' p'ayet jo'ne enaac: “Adoqopita ga'me adaqaya nach'e naq'aeta nale anoqopitela't.” Naajo' yataqachiñe napacalo'te gaa'me namaĝajoĝonaĝaco laqaya'.

Chane'eja Jesús yiyaĝanalo jogaa'me lapaĝaguenataqa qama'le eetojo' ga'me 'laqatac: —Eja da'me ami ja'aĝatema queda'me jadojo' p'ai jo'ne mate mane'e choĝodaq, ga'me yanegue napacalo'te gaa'me neuoyaĝadi lajaqaje' jo'ne yachedañgui jaga'me najaqajel lae't gaa'me naicaual. Qa'a ena'uaque yadegue ga'me jo'ne ch'e 'liyoqote', qalaĝaja jañe'me mate mane'e choĝodaq yanegue yema ga'me yauana nalo'taguet ta'le yiyamaĝam.

'Uo ga'me ua'a ca'li Jesús ñichiñe, neta'ña ga'me dajo'teta gaa'me najaqajel lete' jo'ne laicaual, yec'atetac ga'me jiyaĝadipi da'me yachañguilo naa'me lete' naa'me naicaual. Qama'le qayoĝode' gaa'me neuoyaĝadi jo'ne jalcote gaa'me naicaual jo'ne yijaĝadiñgui. Nach'e ena'am yovidauo jaga'me p'ai jo'ne choĝodaq, qama'le yijaĝadiñgui dojole gaa'me naicaual jaga'me najaqajel lae't jo'ne ja jalcote lajo'vi'y.

Nataq'aen qom qadoqopita joñe'me Dios da'me jemataqa na'me qadauel, nataq'aen jemataqalegue da'me qadetadenataĝanaĝac, nataq'aen jemataqalegue da'me qat'añaĝac, choqoda'me qadoqopita ga'me qadaqaya, nach'e naq'aeta da'me ñoqopitaĝala't, napacalegue ga'me qadajaqajec jo'ne qoyigoue nale, nataq'aen qadajaqajec jo'ne qo'mi nep'aĝanegueta jo'ne qoyachalegue ga'me c'atoĝonaĝala'.

Qama'le Jesús enaac: —Chane'eja chimaqachiñe da'me auañem ga'me jo'ne mach'e loĝot ñe'me lejaliaĝane'j gaa'me Roma laje', nataq'aen auañem ñe'me Dios ga'me mach'e loĝot. Qama'le jalcote da'me yoqochetem da'me 'laqatac joñe'me.