Popular Bible Verses from Yabekbi 13

Deildu

Bɨsap kɨndakon jap kelek egek Piŋkop gawak ɨmɨŋek egɨpgwit. Yaŋ aŋakwa Telagɨ Wup da yoyɨgɨt, “Ji Banabas gat Sol gat manjɨŋ yopba pi anjil do nandɨsat uŋun anjil.” Yaŋ yaŋban nandaŋek Piŋkop do nandaŋek jap kelek egek bɨsit pi awit. Aŋ mudaŋek kɨsitni amɨn bamot da kwenon wɨtjɨŋek yabekba kɨgɨmal.

Uŋun do aŋek not kabɨ gen uŋun yaŋ teŋteŋomaŋ uŋun pakyaŋsi nandani. Uŋun amɨn da nin dakon yokwi wɨrɨrɨt amɨnin egɨsak. Moses dakon gen teban guramɨgek ji amɨn kɨlegɨ arɨpmɨ dɨma ani. Yokwisi sigɨn taŋ damni. Mani uŋun amɨn da amɨn morap iyɨ do nandaŋ gadaŋ ɨmaŋ amɨn uŋun yokwini wɨrɨrɨk yomɨŋek amɨn kɨlegɨsi yaŋ yoyɨsak.

Amɨn Tagɨ da yaŋ aneŋ do kɨlɨ yaŋ niyɨgɨt: ‘Nak da ji manjɨŋ depbo Amɨn Ŋwakŋwarɨ Kabɨ dakon teŋteŋɨ madepni egɨpni. Aŋek mɨktɨmɨ mɨktɨmɨ ekwaŋ amɨn paŋpulugaŋakwa yokwikon baŋ tɨmɨkgeŋ do manjɨŋ depgum.’ ”