Vinsæl biblíuvers úr Mat 2

Un aus see en daut Hus nenjekomen wieren, sagen see daut Kjint met siene Mutta Maria. Un see follen dol un bäden Am aun un muaken äare Schaza op un jeewen Am Jeschenkja: Golt, Weiruak un Mirren.

Aus Jesus jebuaren wia en Betlehem en daut judische Launt, en de Doag von däm Kjennich Herodes, kjikj, doa kjeemen Weise Mana utem Oosten no Jerusalem un säden: Wua es de niejebuarna Kjennich von de Juden? Wiels wie haben sienen Stiern jeseenen em Oosten un sent jekomen, Am aun to bäden.

Aus see daut Stiern sagen, freiden see sikj met sea groote Freid.

Un wiels see em Droom wieren aunjewäsen worden, nich wada no Herodes trigj to gonen, jinjen see opp eenen aundren Wajch trigj en äa Launt. Aus see opp däm Trigjwajch wieren, kjikj, doa kjeem een Enjel vom Harn no Josef em Droom un säd: Sto opp, nemm daut Kjint un siene Mutta un flicht en Ägipten nenn, un bliew doa, bat ekj die sajen woa. Wiels Herodes woat daut Kjint sieekjen, daut om to brinjen.