Popular Bible Verses from ܡܓܰܠܝܘܢ ܕܠܘܩܐ 13

Deildu

ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܚܰܪܒܳܐ ܡܚܰܪܶܒܽܘ ܠܰܫܰܢ ܕܥܳܒܪܺܝܬܽܘ ܒܽܗ̄ܘ ܬܰܪܥܳܐ ܥܺܝܩܳܐ. ܟܳܐܡܰܪ ܐ̱ܢܳܐ ܠܟ̥ܽܘ، ܓ̥ܰܠܰܒܶܐ ܓܕ݄ܐܒܥܺܝ ܥ݄ܒܪܺܝ ܘܠ݄ܐ ܓܩܳܕܪܺܝ.

ܟ݄ܬ ܗ̄ܘܰܐ ܬܰܡܳܐ ܐܰܢ̱ܬ̥ܬܳܐ ܕܟ݄ܬ ܗ̄ܘܰܝ ܠܰܗ ܪܽܘܚܳܐ ܕܟܶܐܒ̥ܳܐ ܬܡܳܢܰܥܣܰܪ ܐ݄ܫܢ̈ܶܐ، ܘܟ݄ܦܬܳܐ ܗ̄ܘܰܐ، ܘܠ݄ܐ ܩ݄ܕܪܳܐ ܗ̄ܘܰܐ ܕ݄ܡܣܰܘܝܳܐ ܘ݄ܡܬܰܪܨܳܐ ܪܽܘܚܰܗ. ܘܚ݄ܙܝܳܐ ܠܶܗ ܝܶܫܽܘܥ، ܘܩ݄ܪܝܳܐ ܠܶܗ ܘܐܡ݄ܪ ܠܶܗ ܠܰܗ: ”ܐܰܢ̱ܬ̥ܬܳܐ، ܫܪܶܐ ܗ̄ܽܘ ܟܶܐܒ̥ܰܝܕ̥ܰܟ̥ ܡܶܢܰܟ̥.“

ܘܡܰܚܰܬ ܠܶܗ ܐܺܝܕ̥ܶܗ ܐܰܥܠܰܗ، ܘܡܶܚܕ̥ܳܐ ܢܰܝ݄ܚ ܠܰܗ (ܘ݄ܡܬܰܪܨܳܐ). ܘ݄ܡܫܰܒܰܚ ܠܰܗ ܠܰܐ‌ܠܳܗܳܐ.

ܘܟܰܐܠܶܗ ܟܺܝܬ ܚܰܪ̈ܳܝܶܐ ܕ݄ܓܕܳܗ̄ܘ݄ܢ ܩܰܕ̱ܡܳܝ̈ܶܐ، ܘܟܺܝܬ ܩܰܕ̱ܡܳܝ̈ܶܐ ܕ݄ܓܕܳܗ̄ܘ݄ܢ ܚܰܪ̈ܳܝܶܐ.“

ܘܡܺܗ̄ܝ ܫܳܥܬ̥ܳܐ ܕܩܳܝ݄ܡ ܗ̄ܽܘ ܡܳܪܳܐ ܕܽܗ̄ܘ ܒܰܝܬܳܐ ܘܣܳܟ̥݄ܪ ܗ̄ܽܘ ܬܰܪܥܳܐ، ܘ݄ܓܕܳܗ̄ܘܺܝܬܽܘ ܩܺܝܡ̈ܶܐ ܠܰܪܒ̥ܰܠ، ܘ݄ܟܕܰܝܩܺܝܬܽܘ ܒܽܗ̄ܘ ܬܰܪܥܳܐ ܘ݄ܐܡّܺܪ̱ܝܬܽܘ: ’ܡܳܪܰܢ ܡܳܪܰܢ ܦܬܰܚ ܠܰܢ.‘ ܘܗܺܝّܶܗ ܓܡܰܕܥ݄ܪ ܘܟܳܐܡ݄ܪ: ’ܟܳܐܡܰܪ ܐ̱ܢܳܐ ܠܟ̥ܽܘ، ܕܠ݄ܐ ܟܳܐܕ̥ܰܥܢܰܢܟ̥ܽܘ ܡܰܐܝܟܳܐ ܗܰܬܽܘ.‘

ܠܳܐ، ܘܟܳܐܡܰܪ ܐ̱ܢܳܐ ܠܟ̥ܽܘ، ܕܠܳܐ ܬܰܝܒܺܝܬܽܘ، ܟܽܘ̇ܠܟ̥ܽܘ ܐܟ̥݄ܕܘܳܬ̥ܰܝّܶܗ ܓܡܺܝܣܰܟܪܺܝܬܽܘ.“

ܘ݄ܓܕܳܐܡܰܪܟ̥ܽܘ: ’ܠ݄ܐ ܟܳܐܕ̥ܰܥܢܰܢܟ̥ܽܘ. ܡܰܐܝܟܳܐ ܗܰܬܽܘ. ܪܚܰܩܽܘ ܡܶܢܺܝ، ܝܰܐ ܣܰܝܳܡ̈ܶܐ ܕܰܒّܺܝܫ̈ܳܬ̥ܳܐ.‘

ܘܐܡ݄ܪ ܠܶܗ ܝܶܫܽܘܥ: ”ܠܡ݄ܢ ܟܕܳܡܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐ‌ܠܳܗܳܐ ܘ݄ܠܡ݄ܢ ܓ݄ܡܕܰܡܶܐ ܐ̱ܢܳܐ ܠܰܗ؟ ܟܕܳܡܝܳܐ ܠ݄ܦܪܶܕܳܐ ܕܚܰܪܕܠܳܐ، ܗܰܝܳܐ ܕܡܺܝܕܳܐ ܠܶܗ ܚܰܕ̱ ܓܰܒ̥ܪܳܐ، ܘ݄ܙܪܺܝܥܳܐ ܠܶܗ ܒܺܗ̄ܝ ܓܰܢܬ̥ܰܝܕ̥ܶܗ. ܘܝܰܪܺܝܒ̥ܳܐ ܘܗܰܘܝܳܐ ܐܺܝܠܳܢܳܐ ܪܰܒܳܐ، ܘܰܛّܰܝܪ̈ܶܐ ܕܺܗ̄ܝ ܫܡܰܝܳܐ ܣ݄ܡّܶܗ ܩܶܢ̈ܶܐ ܒܰܣّܰܘܟ̈ܰܝܕ̥ܶܗ.“