Popular Bible Verses from ܡܓܰܠܝܘܢ ܕܝܘܚܢܢ 10

Deildu

ܗ̄ܽܘ ܓܰܢܳܒ̥ܳܐ ܠ݄ܐ ܟܳܐܬ̥ܶܐ ܐܶ‌ܠܳܐ ܕܓܳܢܽܒ̥ ܘܩܳܛ݄ܠ ܘ݄ܡܣܰܟ݄ܪ، ܐܶ‌ܠܳܐ ܐܳܢܳܐ ܐܰܬ̥ܺܝ ܐ̱ܢܳܐ ܠܰܫܰܢ ܚܰܝ̈ܶܐ ܗܳܘܰܠّܶܗ، ܘܡܶܕܶܐ ܛܰܒ̥ ܓܕܳܗ̄ܘܰܠّܶܗ.

ܐܳܢܳܐ ܐ̱ܢܳܐ ܗ̄ܽܘ ܪܳܥܝܳܐ ܛܳܒ̥ܳܐ! ܘܽܗ̄ܘ ܪܳܥܝܳܐ ܛܳܒ̥ܳܐ ܢܰܦܫܶܗ ܟܡܰܚ݄ܬ ܡܶܢ̱ ܚܠܳܦ ܗ̄ܰܥ̈ܘܳܢܰܝܕ̥ܶܗ.

ܗ̄ܰܥّܰܪ̈ܒܰܝܕ̥ܺܝ ܟܫܳܡܥܺܝ ܩܳܠܺܝ، ܘܳܐܢܳܐ ܟܳܐܕ̥ܰܥܢܰܢّܶܗ، ܘܗ݄ܢّܶܝ ܟܳܐܬ̥݄ܢ ܒ݄ܬ̥ܪܺܝ.

ܘܳܐܢܳܐ ܟܳܗ̄ܒܶܢܰܢّܶܗ ܚܰܝ̈ܶܐ ܕ݄ܠܥܳܠܰܡ، ܘ݄ܠܥܳܠܰܡ ܠ݄ܐ ܓܡܺܝܣܰܟܪܺܝ، ܘܠܳܐ ܢܳܫܳܐ ܓܢܳܬܰܫّܶܗ ܡܶܢ̱ ܐܺܝܕ̥̈ܳܬ̥ܺܝ.

ܐܳܢܳܐ ܐ̱ܢܳܐ ܗ̄ܽܘ ܬܰܪܥܳܐ، ܐܶܢ ܢܳܫܳܐ ܕܥܳܒ݄ܪ ܐܶܒܺܝ ܓܚܳܝܶܐ: ܟܥܳܒ݄ܪ ܘܢܳܦ݄ܩ ܘܚܳܙܶܐ ܕܽܘܟܬ̥ܳܐ ܕܪܳܥܶܐ (ܡܰܪܥܺܝܬ̥ܳܐ).

ܐܳܢܳܐ ܐ̱ܢܳܐ ܗ̄ܽܘ ܪܳܥܝܳܐ ܛܳܒ̥ܳܐ! ܟܳܐܕ̥ܰܥ ܐ̱ܢܳܐ ܗܰܢܺܝ ܕܟ݄ܬܢܶܝ ܐܶ‌ܠܺܝ، ܘܗ݄ܢّܶܝ ܟ݄ܐܕ̥ܥܺܝ ܠܺܝ،

”ܡܺܐܝܕ̥ܶܗ ܕܽܗ̄ܘ ܐܰܒܰܝܕ̥ܺܝ ܕܗܽܒ̥ ܠܶܗ ܠܺܝ ܪܰܒ ܝܳܐ ܡܶܢ̱ ܟܘܿܠ، ܘܠܳܐ ܢܳܫܳܐ ܟܺܝܒܶܗ ܢܳܬܰܫّܶܗ ܡܶܢ̱ ܐܺܝܕ̥ܶܗ ܕܽܗ̄ܘ ܐܰܒܰܝܕ̥ܺܝ. ܐܳܢܳܐ ܘܒܰܒܺܝ ܚܰܕ̱ ܢܰܐ.“

ܐܟ̥ ܕܟܳܐܕ̥ܰܥ ܠܺܝ ܗ̄ܽܘ ܐܰܒܰܝܕ̥ܺܝ ܐܳܢܳܐ ܣܬܶܝ ܟܳܐܕ̥ܰܥܢܶܗ. ܘܢܰܦܫܺܝ ܟܡܰܚ݄ܬ ܐ̱ܢܳܐ ܡܶܢ̱ ܚܠܳܦ ܗ̄ܰܥܘܳܢ̈ܶܐ.

ܠܰܝܬ ܢܳܫܳܐ ܕܫܳܩܶܠ ܠܰܗ ܡܶܢܺܝ، ܐܶ‌ܠܳܐ ܐܳܢܳܐ ܡܽܗ̄ܘ ܨܶܒܝܳܢܰܝܕ̥ܺܝ ܟܡܰܚ݄ܬܢܰܗ، ܡܺܐܝܕ̥ܶܗ ܕܟ݄ܬ ܠܺܝ ܫܽܘܠܛܳܢܳܐ ܟܡܰܚ݄ܬܢܰܗ ܘܫܽܘܠܛܳܢܳܐ ܕܢܰܩܠܐ ܚܪܶܬܳܐ ܐ̱ܢܳܐ ܡܳܝܰܕܢܰܗ. ܗ̄ܽܘ ܦܽܘܩܕܳܢܰܢܳܐ ܡܰܩܒܶܠ ܠܺܝ ܡܽܗ̄ܘ ܐܰܒܰܝܕ̥ܺܝ.“

ܘܕܰܥ݄ܪ ܝܶܫܽܘܥ ܐܡ݄ܪ ܠܰܗ ܠّܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܐܳܢܳܐ ܐ̱ܢܳܐ ܗ̄ܽܘ ܬܰܪܥܳܐ ܕܰܥܘܳܢ̈ܶܐ.

ܘܽܗ̄ܘ ܐܰܓ̥ܺܝܪܳܐ ܕܠܰܝ̱ܬ ܝܳܐ ܗ̄ܽܘ ܪܳܥܝܳܐ ܘ݄ܕܠܰܝ̱ܬ ܢܶܝ ܕܺܝܕ̥ܶܗ ܗ̄ܰܥّܶܪ̈ܒܶܐ، ܡ݄ܐ ܕ݄ܚܙܶܐ ܠܶܗ ܗ̄ܽܘ ܕܶܒ̥ܳܐ ܐܰܬ̥ܳܝܳܐ ܠܰܐܦ ܐܶ‌ܠܶܗ، ܟܛܳܪܶܐ ܗ̄ܰܥܘܳܢ̈ܶܐ ܘ݄ܟܥܳܪ݄ܩ. ܘܟܳܐܬ̥ܶܐ ܗ̄ܽܘ ܕܶܒ̥ܳܐ ܟܢܳܬ݄ܫ ܗ̄ܰܥܘܳܢ̈ܶܐ ܘܟ݄ܡܒܰܪܒܰܙّܶܗ.

”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܡܰܢ ܕܠܳܐ ܡܽܗ̄ܘ ܬܰܪܥܳܐ ܥܳܒ݄ܪ ܠܺܗ̄ܝ ܛܝܳܪܳܐ ܕܰܥܘܳܢ̈ܶܐ، ܐܶ‌ܠܳܐ ܟܣܳܠ݄ܩ ܡܶܢ̱ ܕܽܘܟܬ̥ܳܐ ܚܪܶܬܳܐ، ܗܰܘܳܐ ܓܰܢܳܒ̥ܳܐ ܝܳܐ ܘܡܰܫ݄ܠܚܳܢܳܐ.