Popular Bible Verses from ܡܓܰܠܝܘܢ ܕܝܘܚܢܢ 1

Deildu

ܘܰܐܝܢܰܐ ܕܡܰܩܒܰܠّܶܗ، ܗܽܒ̥ ܠܰܗ ܠّܶܗ ܫܽܘܠܛܳܢܳܐ ܕܳܗ̄ܘ݄ܢ ܐܰܒܢ̈ܶܐ ܕܰܐ‌ܠܳܗܳܐ، ܠܰܗ̄ܢܺܝ ܕܟܳܡܗܰܝܡܢܺܝ ܒ݄ܐܫܡܶܗ،

ܒܽܗ̄ܘ ܪܺܝܫܳܐ ܗ̄ܽܘ ܡܶܠܬ̥ܳܐ ܗ̄ܘܰܐ، ܘܽܗ̄ܘ ܡܶܠܬ̥ܳܐ ܓܰܒ ܐܰ‌ܠܳܗܳܐ ܗ̄ܘܰܐ، ܘܰܐ‌ܠܳܗܳܐ ܗ̄ܘܰܐ ܗ̄ܽܘ ܡܶܠܬ̥ܳܐ.

ܘܽܗ̄ܘ ܢܽܘܗܪܳܐ ܒܽܗ̄ܘ ܥܰܡܛܳܢܳܐ ܟܡܰܢܗ݄ܪ، ܘܽܗ̄ܘ ܥܰܡܛܳܢܳܐ ܠܳܐ ܕܪ݄ܟ̥ ܠܶܗ.

ܘܽܗ̄ܘ ܡܶܠܬ̥ܳܐ ܗܰܘܺܝ ܢܳܫܳܐ، ܘܢܰܚ݄ܬ ܒܰܝܢܳܬ̥ܰܢ، ܘ݄ܚܙܶܐ ܠܰܢ ܗ̄ܽܘ ܫܽܘܒܚܰܝܕ̥ܶܗ، ܗ̄ܽܘ ܫܽܘܒܚܳܐ ܕܽܗ̄ܘ (ܐܰܒܪܳܐ) ܝܺܚܺܝܕ̥ܳܝܳܐ ܕܡܽܗ̄ܘ ܐܰܒܳܐ ܕܡܰܠܝܳܐ ܛܰܝܒܽܘܬ̥ܳܐ ܘ݄ܫܪܳܪܳܐ.

ܘܟܽܘܠ (ܡܶܕܶܐ) ܒܺܐܝܕ̥ܶܗ ܗܰܘܺܝ، ܘ݄ܕܠܳܐ ܡܶܢܶܗ ܘܠܳܐ ܚܰܕ̱ ܡܶܕܶܐ ܗܰܘܺܝ ܡܽܗ̄ܘ ܡܶܕܶܐ ܕܗܰܘܺܝ. ܗ̄ܰܚّܰܝ̈ܶܐ ܐܶܒܶܗ ܗܰܘ݄ܢ، ܘܰܚّܰܝ̈ܶܐ ܢܽܘܗܪܳܐ ܢܶܝ ܠܰܗ̄ܢ ܢܳܫ̈ܶܐ.

ܘܠܽܗ̄ܘ ܝܰܘܡܳܐ ܕܒ݄ܬ̥ܪܶܗ، ܝܽܘܚܰܢܳܢ ܚܙܶܐ ܠܶܗ ܝܶܫܽܘܥ ܐܰܬ̥ܳܝܳܐ ܠܣܺܝܕ̥ܶܗ، ܘܐܡ݄ܪ ܠܶܗ: ”ܟܰܐܠܶܗ ܗ̄ܽܘ ܦܰܪܳܐ ܕܰܐ‌ܠܳܗܳܐ ܗܰܘܳܐ ܕ݄ܟܫܳܩ݄ܠ ܗ̄ܺܝ ܚܛܺܝܬ̥ܳܐ ܕܽܗ̄ܘ ܥܳܠܡܳܐ.

ܒܽܗ̄ܘ ܥܳܠܡܳܐ ܗ̄ܘܰܐ، ܘܽܗ̄ܘ ܥܳܠܡܳܐ ܒܺܐܝܕ̥ܶܗ ܗܰܘܺܝ، ܘܽܗ̄ܘ ܥܳܠܡܳܐ ܠܰܐ ܐܕ̥݄ܥ ܠܶܗ. ܠܕܺܝܕ̥ܶܗ ܐܰܬ̥ܺܝ، ܘܕܺܝܕ̥ܶܗ ܠܳܐ ܡܰܩܒܰܠّܶܗ.

ܡܺܐܝܕ̥ܶܗ ܗ̄ܽܘ ܢܽܘܗܪܳܐ ܕܽܗ̄ܘ ܫܪܳܪܳܐ ܗ̄ܘܰܐ ܗܰܢܳܐ ܕ݄ܟܡܰܢܗ݄ܪ ܠܟܽܘܠ ܢܳܫܳܐ ܕܳܐܬ̥ܶܐ ܠܽܗ̄ܘ ܥܳܠܡܳܐ.

ܡܺܐܝܕ̥ܶܗ ܕܽܗ̄ܘ ܢܳܡܽܘܣܳܐ ܒܺܐܝܕ̥ܶܗ ܕܡܽܘܫܶܐ ܗܺܝܒ̥، ܐܶ‌ܠܳܐ ܗ̄ܽܘ ܫܪܳܪܳܐ ܘܺܗ̄ܝ ܛܰܝܒܽܘܬ̥ܳܐ ܒܺܐܝܕ̥ܶܗ ܕܝܶܫܽܘܥ ܡܫܺܝܚܳܐ ܗܰܘܺܝ.