Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 8

Deildu

ܘ݄ܢܩ݄ܚ ܠܶܗ ܡܳܪܝܳܐ ܪܶܝܚܳܐ ܕܽܗ̄ܘ ܩܽܘܪܒܳܢܳܐ ܝܰܩܺܝܕ̥ܳܐ، ܪܶܝܚܳܐ ܕܡܰܬ̥ܢ݄ܚ، ܘܐܡ݄ܪ ܠܶܗ ܡܳܪܝܳܐ ܒܠܶܒܶܗ: ”ܢܰܩܠܐ ܚܪܶܬܳܐ ܠ݄ܐ ܓܕܳܥܰܪ ܐ̱ܢܳܐ ܠܳܝܰܛ ܐ̱ܢܳܐ ܠܺܗ̄ܝ ܐܰܪܥܳܐ ܠܰܫܰܢ ܗ̄ܽܘ ܢܳܫܳܐ. ܡܺܐܝܕ̥ܶܗ ܕܺܗ̄ܝ ܡܰܚܫܰܒܬ̥ܳܐ ܕܽܗ̄ܘ ܢܳܫܳܐ ܒܺܝܫܬܳܐ ܝܳܐ ܡܶܢ̱ ܢܰܥܡܽܘܬ̥ܶܗ. ܢܰܩܠܐ ܚܪܶܬܳܐ ܠ݄ܐ ܓܕܳܥܰܪ ܐ̱ܢܳܐ ܡܳܚܶܐ ܐ̱ܢܳܐ ܠܟܘ̇ܠ ܚܰܝܳܐ ܐܟ̥ ܕܣ݄ܡ ܠܺܝ. ܘܡܳܐܥܕܳܐ (ܘܰܐܙܳܠܳܐ) ܟܽܘܠّܶܗ ܗ̄ܰܝّܰܘܡ̈ܳܬ̥ܳܐ ܕܺܗ̄ܝ ܐܰܪܥܳܐ ܙܪܳܥܳܐ ܘ݄ܚܨܳܕܳܐ، ܩܽܘܪܳܐ ܘܚܶܡܳܐ، ܩܰܝܛܳܐ ܘܣܰܬ̥ܘܳܐ، ܐܺܝܡܳܡܳܐ ܘܠܰܠܝܳܐ ܠ݄ܐ ܓܒܳܛܠܺܝ.“

ܘ݄ܒܢܶܐ ܠܶܗ ܢܽܘܚ ܡܰܕ̥݄ܒܚܳܐ ܠܡܳܪܝܳܐ. ܘܡ݄ܕ ܠܶܗ ܡܶܢ̱ ܟܘ̇ܠ ܚܰܝܽܘܬ̥ܳܐ ܕܟ̥ܺܝܬ̥ܳܐ ܘܡܶܢ̱ ܟܘ̇ܠ ܛܰܝܪܳܐ ܕܰܟ̥ܝܳܐ ܘܡܰܣܠܰܩ ܠܶܗ ܝܰܩܕܳܐ ܥܰܠ ܗ̄ܽܘ ܡܰܕ̥݄ܒܚܳܐ.

ܘܡܰܕ̥ܟܰܪ ܠܶܗ ܐܰ‌ܠܳܗܳܐ ܠܢܽܘܚ، ܘ݄ܠܟܽܘܠܰܗ ܗ̄ܺܝ ܚܰܝܽܘܬ̥ܳܐ، ܘ݄ܠܟܽܘܠܶܗ ܗ̄ܽܘ ܒܥܺܝܪܳܐ، ܘ݄ܠܟܽܘܠܶܗ ܗ̄ܽܘ ܛܰܝܪܳܐ ܕܰܐܥܡܶܗ ܒܺܗ̄ܝ ܩܺܝܒܽܘܬ̥ܳܐ. ܘܡܰܩ݄ܡ ܠܶܗ ܐܰ‌ܠܳܗܳܐ ܗܰܘܰܐ ܥܰܠ ܗ̄ܺܝ ܐܰܪܥܳܐ، ܘܟܰܠ݄ܢ ܗ̄ܰܡّܰܝ̈ܶܐ.

ܘܠܰܐܦ ܓܢܰܝܬܶܗ ܕܝܰܘܡܳܐ، ܐܰܬ̥ܝܳܐ ܗ̄ܺܝ ܝܰܘܢܳܐ ܠܣܺܝܕܶܗ، ܘܟܰܐܠܶܗ ܛܰܪܦܳܐ ܕܙܰܝܬܽܘܢܳܐ ܟܙܳܒܛܳܐ ܒܦܶܡܰܗ. ܘܰܐܕ̥݄ܥ ܢܽܘܚ ܕܢܰܩܺܝܨܺܝ ܗ̄ܰܡّܰܝ̈ܶܐ ܡܶܢ̱ ܦܳܬ̥ܰܗ ܕܺܗ̄ܝ ܐܰܪܥܳܐ.