Popular Bible Verses from San Mateo 27

Deildu

Ña kimsa uraka kuchuyahushpan, Jesuska sinchita kaparirshpan rimarka: “Elí, Elí, ¿Lema sabaktani?”, Chayka ninayan, “Yayayni Dios, yayayni Dios ¿Imaraykutaya sapallaynita sakiwashkanki?”.

Chasnallapi Yaya Diospa wasinpi rakta llachapaka likirirka chawpinpi pitikta, awamanta pacha ukukama; allpaka sinchita kuyurirka, rumisapa urkukunapas partirirkakuna. Wañushkakunapa taparishkan uchkukunaka paskarirkakuna. Achka Yaya Diosta sumakta kirik wañushka runakunaka kawsarirkakuna.

Chaypina kutikashka Jesuska sinchita kaparirka. Chasna kaparishpa wañurka.

Allpa sinchita kuyurihushkanta, tukuy imakuna pasashkanta rikushpan, chay kapitanka Jesusta kuyrak suntalunkunawa pakta yapa mancharishpankuna rimarkakuna: “¡Shutipami kay runaka Yaya Diospa Wawan kashka!” Nishpa.

Chawpi punchamanta pacha kimsa urakama amsa tuta tukurka tukuy allpapi.

Apu Pilatoka paykunata tapurka: “¿Imatata rurasha kay Jesuswa, maykantami rimankichi Kristu?” Tukuy rimarkakuna: ¡Kruspi klabashpa wañuchichiy! Apu Pilatoka paykunata rimarka: “¿Ima millaypatataya rurashka?” Chaypi paykunaka ashwan sinchita kaparishpa rimarkakuna: “¡Kruspi klabashpa wañuchiychi!”