Popular Bible Verses from Mateyu 8

Deildu

Na Gyisɛse buale bɛ zele kɛ, “O bɛmɛ mɔɔ bɛ diedi le ekyi a! Duzu ati a ɛzulolɛ ɛha bɛ zɛhae a?” Na ɔdwazole na ɔdeanle anwoma ne nee azɛlɛkye ne mɔ, na ahumu ne gyakyile ɛdulɛ na akee bɛ muala bɛyɛle dii.

Na sogya kpanyinli ne zele kɛ “Yɛmenle, menfɛta kɛ ɛkɛra me sua nu; yɛɛ ɔngyia kɛ ɛkɛra bɔbɔ. Saa ɛbagyinla ɛke bɔbɔ ala na wɔaha kɛ, ‘Te kpɔkɛ’ a, anrɛɛ me sonvolɛ ne anwo baza! Meze, ɔboalekɛ mele sonla mɔɔ melɛ tumi na mesie menli a, na saa mese ko kɛ, ‘Kɔ’ a, ɛnee yehɔ; yɛɛ mese bieko noko kɛ ‘Bɛla’ a ɛnee yera; na saa mese me akɛlɛ noko kɛ ‘Yɛ ɛhye anzɛɛ ɛyeka’ a, ɔyɛ. Ɔti meze kɛ ɛlɛ tumi mɔɔ ɛkola ɛka ɛkile ye anwodolɛ ne kɛ ɔhɔ a, ɔkɛhɔ a!”

Gyisɛse dele ɛhye la ɔyɛle ye azibɛnwo! Ɔhakyile ɔ nye wɔ menli ekpunli dɔɔnwo ne anwo na ɔzele bɛ kɛ, “Nɔhalɛ, metɛnwunle diedi mɔɔ le zɛhae la bie ɛlɛ wɔ Yizilayɛ maanle ye anu!

Akee Gyisɛse zele sogya kpanyinli ne kɛ, “Kɔ. Wɔ diedi ne mɔɔ ɛnyianle ye la ɛyɛ zɔ!” Na kakula nrenyia ne anwo zale wɔ dɔnehwele ko ne ala anu.

Azibɛnwo kpole hanle ɛdoavolɛma ne mɔ, na bɛbizale bɛ nwo kɛ, “Nwane a le ɛhye, mɔɔ anwoma bɔbɔ nee nyevile tie ye a?”