Popular Bible Verses from Mateyu 10

Deildu

“Melɛsoa bɛ kɛ mboane mɔɔ wɔ mbedi avinli la. Bɛyɛ bɛ nye gyɛlɛmgbɛɛnye kɛ nwɔlɛ la, bɛmmayɛ gyegyeravoma, na bɛyɛ kɛ abubule la.

“Saa ɛpele kɛ ɛkɛlie wɔ ngoane a ɛbaminli ye; na saa ɛfa ɛwula me sa a, ɛ sa kɛha wɔ ngoane ne.

“Bɛmmasulo menli mɔɔ kola ku bɛ sonla baka ne mɔ, na bɛngola bɛnva bɛ sa bɛnga bɛ ɛkɛla ne mɔ la. Sulo Nana Nyamenle angomekye, mɔɔ yemɔ a ɔkola ɔsɛkye ɛkɛla ne nee sonla baka ne wɔ abɔnsam senle ne anu la.

Saa bɛkpo kɛ bɛkɛva bɛ meanubaka ne na bɛkɛdoa me a, ɛnee bɛmfɛta kɛ bɛkɛyɛ me deɛ.

“Saa awie biala kile ye bagua nu kɛ ɔ gɔnwo a le me a, medame noko wienyi nu ala a mebahile kɛ ɔle me gɔnwo wɔ Egya anyunlu wɔ Anwuma belemgbunli maanle ne anu a. Na saa awie bagua nu ala se kɛ ɔnze me a, medame noko mebaze kɛ menze ye wɔ Egya anyunlu wɔ Anwuma belemgbunli maanle ne anu.

Bɛyɛ wuliravolɛma ayile, bɛdunwue mɔwuamra anzɛɛ avunli, bɛyɛ kokobɛvolɛma ayile, na bɛdu sunsum evinli evinli noko. Kɛmɔ bɛanva ezukoa bɛandɔ tumi ne la, zɔhane ala noko a saa bɛyɛ awie ayile a bɛmmadie ye ezukoa a.

Ɛhye ati bɛmmasulo! Ɔluakɛ, bɛsonle bolɛ kpole kpalɛ bɛmaa ye bɛtɛla kɛsanloma dɔɔnwo ne ala.

“Bɛmmasuzu kɛ membale kɛ mebava anzondwolɛ meara azɛlɛ ye azo! Kyɛkyɛ, na emomu, adabɛlaka ɔ.