Popular Bible Verses from MATAYO 28

Deildu

Kɛɛni, imedjani bikomi bisusu batingami ba mbi; babatisani na kombe Sango, na Mwana ko na Mwembo Mosɛnɔke, ko balehani bo basumee midjɔ misusu mi olomani mbi. Djebani bopele bo: nadii engbanga na nu masu masusu mbunoko ta suka e ngondo.»

Yesu abatama mbuti na bu ko abala bo: «Bokondji bosusu bopami ta dii mbi ta busa ko na kpɔtɔ.

Endelo obwɛndi atomba kɔpi ko abala na bali bo: «Ta tina e bino, pɛpɛ bobangani. Modjɔ mo, nadjebakadea bo ohombakadeani Yesu obakama ta ekulusu; adiiti iyaya; ekahia, asisoi ta bogwa oko mondumba mo balaka iyo. Doani aindje esika edaaki iyo asambi.

Iboa Yesu abala na bu bo: «Pɛpɛ bobangani. Kɛɛni abalani na denga di mbi bakɛe ta Galileya: iho baɛnɛdeani.»

Ngɔngɔ dji boputoana bo banganga ba Ndjakomba banɛnɛnɛnɛ na basuku ba Bayudha ta ikita, baokana ko baapa basodha pata dji palanga djinɛnɛ ko babapa mitindo bo: «Obatɔndeadeani bo: “Batingami ba Yesu badoi na bulu ta ndelo edaaki iso lowɛli baibi mokuku mo nde.” Ko modjɔ momina mokaimea ta matoi ma gupɛlɛnɛlɛ, lodjebadea bosola na nde ko lokɔe na ngulu bɛngi odaeni pɛpɛ bodia bɛndɔ.» Iboa, basodha batomba pata dji palanga ko bakɔɔ oko mondumba mo baloma ibo. Ko isolo di mina dinangana ta tei e Bayudha basusu mbunoko busɛbu.