Popular Bible Verses from Málúkus 13

Deildu

Pɛɛnd peem kɛnúfɛmɛ ó pusíó pú kisiɛ́n kíámɛ. Ewú waányípílúndinɛ́ kuám kí insúkie, Támbák éényééki wɔ kusɔ́t kú teeníík.»

«Ánupá iŋuɛ́l ni imfɛnyɔ́, nutipítíman, á kiákí ɛ́ɛ́ nutipá numenyen kisikɛl puányínuáminɛ́.

Aká pɛ́kɛɛ́nyínuɛ́tikɛn ɛ́ kunúsɛm ɔ́ pɔkɔ́n, nutisúmbúsɔ́mb manɔ́ŋ á puandá nuɛsikɛnɛnɛ́ kuɔyɛt. Epú nuɛsikɛnɛnɛ́ kuɔyɛt konúólin ké Emfúnukufúúmɛ yá akáánɛ́, ɔ́nuɔyɛ́t pɔ, á kiákí ɛ́ɛ́ nutipá paanɔ́ nukaányíkála.

Mɛnɛ́mɛnɛ́ɛ ne kúúsí katápɔk, Mekélíe máámɛ mɔ́ɔ, mányi yá pɔkɔ́.

Taatɛ́ɛ wééŋényí umenyené na kisikɛl nɔ puɔ́s puɛ́tɛ. Tɛ Peéŋele, tɛ niŋúɛ Muɔ́nɔ́, tɛ mɔɔnd utipá umenyen.

Aká nuɔ́nyɔ́ɔ́pɔnɛ́ pétéékenyi pitíí pínyɛɛ́ mekúye, na mayɔ́ mé pitíí pímanyɛɛ́ kaáyɛ́ɛ, nutiipɛ́ pumbíla: maandá makáánɛ́ ɛ́ɛ́kɛɛsikɛnɛn kupíwóónyi. Maná kɔk pútiányipá kuman kú kúúsí.

Nutipítíman, á kiákí ɛ́ɛ́ nutipá numenyen kuosiondó kú muɛ́t nuya. Woókoosiondón nɛ kisɛ́ndɛ ééy, nɔ ɔtɛ́m ú putúk ééy, ne emfúnupálɛ ééy, kiɛmɛ́ɛm? Emenyí unúpeletenyi, woosinúkóókí ɔ́ tunɔ. Puandá yɔɔyɔnɛ́, óóyooson mɔɔnd kitikit: nutipitiman.»

Púányípá, pulukú nuenesi sɔ́k pulukée, kitɔŋ sɔ́k kitɔŋɛ. Kúúsi ényípíéyen ɔ́ kuɔ́m kutek, insaná áányípa. Muyú mukáánɛ áányípá ɛlɛɛ́ aká muɔ́nɔ́ ményipulú akáandɔ́.

Niɔy Niitámb ɛ́ɛ́kɛɛsikɛnɛn ɛ́ɛ́ nitúan kuɔ́pɛk piɛ́nɛɛ́n piim.

Pɛɛnd puólíkóoli koólon nɛ kisiɛ́n kíámɛ, pɔ́ɔ́yɔ ɛ́ɛ́ iŋúɛ inyɛɛ́ Kilíise. Péketemi pɛɛnd puólíkóoli.

Panɔ́ epé nunyɛɛ́ naamɛ, yɛɛ́pí káánɔ́ ɛ́ɛ́ ɛ́nuɛ́ndɔk. Pɛ́kɛnuɛ́tikɛn, páyuukan naanɔ́ kí itúl na piansi pí imbísókólí, pénúkite. Káámɛ ó pusíó, nuketélimetin pɔŋgɔ́munɛ pɔɔkɔ́n ne pefuŋ ɛ́ɛ́ nutían pɔ́ ewú inyɛɛ́.

Pasupɔ́sɔp kaam, epe ɔ́ɔ́yɔ ɛ́ɛ́ pɔ́ɔ pɛ́nyɛɛ́ Kilíise, pólotí ɔ́ɔ́yɔ ɛ́ɛ́ pɔ́ɔ pɛ́nyɛɛ́ peémímekélíé má Támbák. Pɛ́ɛ́kɛɛlɛ maandá matápukanɛ́ pɛɛnd é kutemi pɔ, niɛlɛ́n síákápá, tɛ epé Támbák maáyɔ́ɔ́n.

Á maátákáánɛ́ metúk, é kélém kú iŋɛ́n ikáánɛ́, ɔɔ́nyi éényíwu, oólí tiɛ́nyisɛ́kɛ, muótiótio áányípálapal múkuan, Támbák áányíyúkat pifuɛ́yɛk pí mɛnɛ́mɛnɛ́ɛ.