Popular Bible Verses from Lúúkas 6

Deildu

Ánufáánɛn, páányínúfáan kákáánɔ́; pufɛkin puutámb Támbák ɔ́ɔ́nyíkɔ́lɔnɛ́, uwóónyi, uyɛ́kɛt, uwóónyi táásɛ lééŋ, úsukun kááwɔ kí imbaláa. Á kiákí ɛ́ɛ́ pufɛkin ɛfɛkɛninɛ́ pɔsɔ́k kɔ́ɔk púúpɔ́ Támbák ɔ́ɔ́nyíkɔ́lɔnɛ́ ɛ́ kukufɛkɛn na puɔ.»

Mɔɔnd unyɛɛ́ ɔtɛ́m peseé ɛ́ɛ́kɛɛlɛ yá maandá maatámb móólinoné á punɛ́m puutámb punyɛɛ́ kɛ́ɛ́yɛ́ kɔ́ ɔtɛ́m, ewú unyɛɛ́ ɔtɛ́m kilɔk ɛ́ɛ́kɛɛlɛ maandá mɔ́ kilɔk, á kiákí ɛ́ɛ́ punɛ́m punyɛɛ́ kɛ́ɛ́yɛ́ kɔ́ ɔtɛ́m nyɛ kilɔk; á kiákí ɛ́ɛ́ niít ní mɔɔnd kitikit áákála puandá púnyɛɛ puwóónón kɛ́ɛ́yɛ́ kɔ́ ɔtɛ́m.

Panɔ́, ɔ́nuɔyɔ́ pokóyikoy páánɔ́, ɛ́nuɛlɛ́ pɔ́ peseé, ónuolósi pɔ́ maandá tɛ ɛ́ɛ́ numáák ɔtɛ́m ɛ́ɛ́ pókonúóndinyi. Índɛ nusiɛlɛ nɔ pinamá píánɔ́ áányípá kiandákáand, panɔ́ muɛ́t nuányípá paán pá Támbákɛ́ɛ u insaánupulɛ́, á kiákí ɛ́ɛ́ wɔ́, unyi ɔtɛ́m peseé ó pusíó pú pefílefile ne epé pátiányípá pélembesi wɔ́ tɛ puɔ́s.

«Síí waanɔ́ nyɛ ɔtɛ́m peseé táásɛ na mɔɔnd kitikit, panɔ́ kákáánɔ́ ánupáán itɛ́m peseé ɛlɛɛ́ wɔ́.

Nutiondó ɛ́ɛ́ nuósóósosi pɛɛnd, pótiónyínúsóósítí kákáánɔ́; nutipɛnɛ́n pɔsɔ́k, pɛ́tiɛ́nyínúpɛnɛ́ kákáánɔ́; ánuyapɛ́n pɔsɔ́k á pifala píɔ́p, páányínúyapɛn á píánɔ́ kákáánɔ́.

Yésuse waasuŋɔn, wɔ́ ɛ́ɛ́: «Panɔ́ numbítɔ́likɔnɛ́, yɛɛ́pí káánɔ́ ɛ́ɛ́: Ɔ́nuɔyɔ́ pokóyikoy páánɔ́, epé pɛ́núfɛmɛnɛ́ɛ ɛ́nuɛlɛ́ pɔ́ peseé, énupínúúné epé pɔ́núnyɔmɔnɛ́ɛ; ónupísókólónyí ó pusíó pú epé pénúénesíé iŋɛ́n.

Ɛlɛ́ pɔsɔ́k yá aná ambanɛ́ ɛ́ɛ́ pɔ́ pɛ́kuɛlɛ.

«Mɔɔnd kusáp ɔmbɛ́l á nuáyɔ, tóŋínyí wɔ́ núlotí. Mɔɔnd kɔ́l kóte waawɔ etiené ɛ́ɛ́ úkɔ́l ɔnsɔ́mbɔ wááwɔ. Mɔɔnd kuɔŋɛn puandá otióm wɔ́, índɛ mɔɔnd siɔkɔ́l puandá púáwɔ, otiówún wɔ́ puɔ.

«Putɛ́ puutámb tipá púómo pilɔk pi masamɔ́, yá aná kilɔk kí putɛ́ tiányípá pókuóm masamɔ́ maatámb.

Péémenyinen siki putíɛ kɛ́ɛ́yɛ́ ká ansamɔ́: pátipá pɛ́kɛ́sɛ ɔŋɔ́tɔ ɔ́ kikɔli, tɛ pulíɛ́mɛ́líɛ́m pátipá pɛ́kɛ́sɛ puɔ á pinyáŋa.