Popular Bible Verses from Mata 24

Deildu

Ara ndə a ɗa, gamak a vas a fəl, ci, mayha ataa həji vərəm a ashif tə. Ama, ala ma kaasəw bəza a gwar ata kəɗaŋ tə, a aɗa reh.

Ma wiyə ma təwah ataa Bay watsa, a aghal tə dzəsl a manahayak, aska həji ma ŋkula sən Bizlaf aagi azlima zlap watsa. Azha, a tsutsa abə a andaha ana kəɗaŋ manahayak,» iy.

Huni azlima zlap ma ndza ata ghəm ma huk aagi abə ma gədək abəra huni ci, huni mbəla ŋkwaɓ, huni ɗiw a ɗal ŋzliŋ ana hunis. Ara ndə a ɗa, səkən watsa aagi tiwtiw aagi pew bəza kwagwa, azha kəɗaŋ manahayak awli kwagwa.

Həji ma ndza a hayak ndiɓi aagi, aagi aɗa ghəm abə həji ma ndza a hayak minja aagi zhana, hayak bay minja a aɗa ghəm abə hayak bay minja zhana, a hayak aagi dagala, mintish a aɗal, hayak a anaana. Ama, səkən watsə aagi tiwtiw, aa ɗa diw yaka andza ndə wala a kaɗiw a kambəw.

La ma ndza a wəzlaf abə la ma ndza ata hayak, aagi asafay ta, ama, ma naka aagi kaasafay akas.

Ara ndə a ɗa, həji aagi vərəm andaha ata zləm naka, azha aagi azlap: Sa, sa Kərist, aagiy. Aagi abaɗ həji aagi bəza vərəm.

«Azha, həji aagi avəlahuni ka a ra a həji aagi, aska aagi sahuni yaka, azha aagi abazlahuni ka. Həji aagi ma ŋkula sən Bizlaf aagi aŋkalzə nja kuni mavəy zləm naka. Ma vah watsa, həji aagi vərəm ana ma kaandəv ta aagi, aagi ambasl ɗal awa ka, aagi aber ha ta ata ha ta. Aa kaazlar nja səku. Həji ma ɗaf ma ma gamak zla aagi vərəm, aagi andaha, zhana aagi abaɗ həji aagi ka vərəm.

Yesu zhin a zhinatana, iŋgaya: Huni mbəla ŋkwaɓ, ara aagi abaɗahuni ka.

Sha ana ndə a ɗa, huni tə, huni sla kusəm aka, kala pish, ara ndə a ɗa, Mbə həji ma dəgnak a andaha ata ler ndə deŋ kuni a ŋkula ndza a heɗe,» iy.

Huni ndza abə nja ara ndə a ɗa, huni kasən vah ndə Bay Madagal kuni a kaandahas.

«Azha, vah watsa, abə ler watsa, kwa ala ma kasənə akas. Kwa matəf Bizlaf aagi, kwa Mbə həji ma dəgnak, ama Vava ŋtaguleŋ tə ana ma kasənə.

Ara ndə a ɗa, kərist ma gamak aagi abə həji ma ɗaf ma ma ma gamak aagi andaha, aagi aɗal tsaɓan ma dagal dagal ndə həji ŋkula va a gərazata aagi, aska a baɗ həji aagi, kwa ndə Bizlaf a dəmata aagi tiwtiw andza a kaɗal.

Səkən ma pew a va Nuhu, a azhin a ɗal ikwa ma vah ndə Mbə həji ma dəgnak a kaandaha. Ara ndə a ɗa, vah watsa tiɗa ndə, yəm awli a zlaɗ la, həji aagi kazəm səkən, aa kasaɓa səkən ta aagi, aa kanda a wata dəma, aa kavəla hildimi ta aagi a dimi, a gwar ata vah ndə Nuhu a taf tə a gəlmbə. Kwa aa kaɗal ŋzliŋ ara səkən minja akas, a gwar ata vah ndə yəm ma dagal a ndaha a zlaɗata bəza tiwtiw. Ikwa abə a aɗal ana vah ndə Mbə həji ma dəgnak a kaandaha.