Popular Bible Verses from Mata 2

Deildu

Əy dam a ujek, əy gəre mba anta ey maman Marəyama, aya, əy gəleɓ a tama mba anta, əy həmanza. A təwse ca, əy zlarzata bakatar tata ege, əy velene səkan ege. Səkan maa əy velene anta ege ca, ara bənaɓ, mel mpe maa əy kayaɓa məyr leŋ dama mpe ma kenjef feŋfeŋ.

Yesu a mbawha ca, ŋ Baytəylama, uzam ma ŋ hayak Yahudəya, ata vah maa Həyrudus mbəy Bay. A dəwze lambaw anta ca, hejəye kəleŋ ma kasan səkan ata gamzla ege, əy ndaha aka ta uza ata ladamha pes, əy hwasha ŋ uzam Urusaləyma. Əy ɗawzata hejəye ma a təwse ege, əy ŋgaya: «Mba ma mbawha, ma kananja ŋ bay mala Yahudu ege wese ca, mbəy a katay? Nene kégəre gamzla anta a ghwalha aka ta ŋ uza ata ladamha pes, amba nene ndaha ŋ həmanza.»

Maa əy gəre gamzla wese ca, əy sasam dakala mambaza.

A dəwze anta ca, Gazlavay a zlepetene ta ŋ seŋseŋ, əy ɗaw ŋ zen ta ara bay Həyrudus səkwaw. Aya, əy ŋta taf matakan ŋ zen ŋ hayak tata. A dəwze maa hejəye kəleŋ ege wese, əy nda tata ca, malaɓ Bay Madakal a ghwelene kusam ŋ Yusufu ta ŋ seŋseŋ, a zlepene, a ŋgaya: «Gwarzam, ŋta ata mbaw ey maman, hey ŋkwa ŋ hayak Məysəra, nja ka a təwse, ha hwas ata vah maa sa kanazlapahwaw ŋ zenha, mavəday Həyrudus a nampam mba anta ŋ jaza.»