Popular Bible Verses from Mata 12

Deildu

Sa kazlapahune, a pes maa Gazlavay a kenejetene guma ŋ hejəye ca, kaw vayay a nezenha zlap a tama Gazlavay ata zlap anta ma kadak səkwaw ege maa a zlapata ege tewtew. Ana ebe ŋghe, Gazlavay a nasan hwa ɗala ma taŋtaŋ ca, ta ŋ zlap ŋkwa ege. A zeney, a neghemahwaw ca, ta ŋ zlap ŋkwa ege.»

Hune uzəye ŋkursla ege, hune hejəye ma kadak səkwaw ege ŋghe, ca, hune nasan ŋ zlap ma ma taŋtaŋ ca, vaŋgay? Mavəday, ma maa ɗala a kazlapaza ta ŋ pakam anta ca, a ghwalza səkan ege maɓahaɓah ŋ unaf anta.

Ana ebe ŋghe, ɗala ma taŋtaŋ ca, a kaghwalza səkan ma tuwah ma ŋ unaf anta ma taŋtaŋ. Cemey, ɗala dadawar ca, a kaghwalza səkan dadawar ma ŋ unaf anta ma kadak səkwaw.

Mavəday anta, sa kazlapahune, mada ɗala kála gay a tama Gazlavay, askwaw ca, káraɓa Gazlavay ca, Gazlavay a nepelzene gay anta aka. Cemey, mada ɗala a raɓa Zəwet ma keweɗ ca, Gazlavay a kenepelzene gay anta aka, askwaw.

«Mada mpe mbəy kadak ca, a mbaw mba ma kadak yam, mada kadak səkwaw ca, a mbaw mba ma kadak səkwaw yam. Cemey, heje san mpe kaw vekey ca, ata mba anta.