Popular Bible Verses from Juáán 1

Deildu

Xómáꞌ tsí ni̱dri̱guíi̱ jamí nanimbu̱únꞌ juyáa̱, ikhaa̱ niꞌnii̱ rí ma̱goo ma̱nindxúu̱n i̱ji̱in Ana̱ꞌlóꞌ.

Nákhí rí ginii jayu xtáa máꞌ Ajngáa, jamí tsí ñajuun Ajngáa xtáa ga̱jma̱á nindxu̱u̱ Ana̱ꞌlóꞌ, jamí tsí ñajuun Ajngáa ikhaa̱ máꞌ ñajuu̱n Ana̱ꞌlóꞌ.

Agu ríge̱ꞌ nambiꞌi-taꞌa ná mijína, jamí rí mijína tsíꞌngo̱o̱ gásnduíyuu ne̱.

Ikhaa tsí ñajuun Ajngáa neꞌne-mina̱ꞌ xa̱bo̱ numbaa jamí ni̱ꞌkhe̱e̱ gáxtáa̱ ga̱jma̱á nindxa̱ꞌxo̱ꞌ. Maphú májáan a̱kuii̱n jamí phú kuwii̱n mangaa. Ikháanꞌxo̱ꞌ ndi̱ya̱áxo̱ꞌ rí phú wáá jaꞌnii̱, wáá rí jaꞌyoo i̱ndo̱ó máꞌ Ada̱ Mbáwíi tsí gíꞌdaa Tátiálóꞌ.

Ga̱jma̱á majñu̱u̱ ikhaa̱ ni̱gu̱ma-ku̱maa mbá xúgíí rí ríga̱. Xí ra̱ꞌkhá ga̱jma̱á numuu̱ ikhaa̱, nimbá rí ríga̱ tágu̱ma-ku̱maa. Ikhaa̱ naꞌnii̱ rí ma̱ju̱wá jámuu xa̱bo̱, jamí ikhaa̱ tsí naꞌnii̱ rí ma̱ju̱wá xa̱bo̱ ñajuu̱n agu rí nambiꞌñúú xa̱bo̱ numbaa.

I̱mbá gátsíí rí rúꞌkhue̱n ndiꞌyoo Juáán rí na̱ꞌkha̱-raxuꞌma-mina̱ꞌ Jesús ná inuu̱, a̱ꞌkhue̱n niꞌthée̱n: «Je̱én lá, ge̱jyoꞌ xtáa̱ A̱ꞌdá-móguíi Ana̱ꞌlóꞌ tsí narngudi̱i aꞌkhúún xa̱bo̱ numbaa.

Tsí ñajuun Ajngáa xtáa̱ máꞌ ná numbaa, jamí numbaa ni̱gu̱ma-ku̱maa ga̱jma̱á majñu̱u̱ ikhaa̱, xómáꞌ xa̱bo̱ numbaa túne̱-nuwii̱n. Ni̱ꞌkhe̱e̱ ná numbaa drígo̱o̱, i̱ndo̱ó máꞌ numuu rí xa̱bii̱ ra̱khúún gúdri̱guíi̱.

Tsí gakon rí agu ñajuun, tsí nambiꞌñúú mbá xúgíin xa̱bo̱, inu xtáa̱ ma̱ꞌkhe̱e̱ ná numbaa ríge̱ꞌ nákhí xúꞌkhue̱n.

Numuu rí ga̱jma̱á majñu̱u̱ Moisés nixná Ana̱ꞌlóꞌ xtángoo, xómáꞌ ga̱jma̱á majñu̱u̱ Jesukrísto̱ nikujma rí maphú májáan a̱kui̱in jamí phú kuwiin Ana̱ꞌlóꞌ.