Popular Bible Verses from Kendeu 3

Deildu

Mipuibe tsingbang cide ketyeipok ziemne yi kecu, nah cide ngau hezu keyi, nah tsingbang cide mide maci peu kela ngau luge, pa matsi kesa keulu delwe cide tyeilu. Pecai pa pe nahpei pecu ngngwa kebam de de kesa peu gai, nah pa cide tyeilu.

Cu heneibe RAMPAUBE Tinggwang hangdeu ga makaune tei kegaidung kak de mriak tube. Pa mipui de dade rangdi, “Tinggwang rang kesang deni: ‘Ncu hegurie ga tsingbang keheibe tsi de tyei helo’?”

Ih peu mipui nnai kakga kengaurau bam zie nah pe name nah n name kakga. Pa ne n peu tei pang zie, nah nang pe pideu nsau zie”

Pa mipui dage rangdi, “Nang hena mna kecu dau Ih n rei tei ngkiee beuzie; ciu eh nang keherei eh hena mna luzie. Nang n nahpei de hengim lazie, dede pa n reu di zie.”

N zu nlup duile nang npuk peei tyei zie, ncu tei kelu hangdeu be ga nang cailigwang dai kemaktane, kedanemene ncu cika de tei kelune. Kedanemene tangdeile ncu teilu, nah nang tangdei mmi dai dizie.”

Pa Adam dage rangdi, “Kedanemene nang n nau kwa kingnei kedine, nah Ih ncu tyei helo de rang kebeu tsingbang gade tyei dida, de ranggai, ‘cide gade nang tyei so,’ n ta aide ziemne hangdeu be reset pung dizie da; N teilung pelane gade nang keherei eh n pok peei tyei zie.

Tinggwang rangdi, “Caune nang paula kebam ncu ranglia no? Ih ncu tyei helo rang kebeu tsingbang de gade nang tyei di dini?”

Cine Tinggwang minabe de hegurie gade gwadi, nah pa Eden gurie naimiak kepetle gage cherubim de kailu, nah kiengtie mzaipei kecu pelane lam nreu gwanglu kebam ge kaizeu di, cinzwa eh kering cailihei bang kwalu kerane.

Minabe pe nau zi Eve msiak lu, kedanemene pa mina pelane pui kecu ziemne.